ڈی سی لاہور سید موسیٰ رضا نے فش منڈی منتقلی کے حوالے سے حنین پورہ شاہدرہ کا دورہ کیا. انہوں نے کہا کہ 20 کنال سرکاری اراضی پر فش منڈی تعمیر کی جا رہی ہے اور فش منڈی مننقلی کے حوالے سے ابتدائی مرحلے میں 32 شیڈز پر مشتمل سنگل سٹوری پر تعمیراتی کام جاری ہے
. ڈی سی لاہور سید موسیٰ رضا نے فش منڈی کی تعمیرات میں بہتری کے لئے اقدامات کا جائزہ لیا اور ٹھیکیدار کو ایک ہفتے کے اندر اندر فش منڈی کی تعمیر کی ہدایت کی. ڈی سی لاہور نے فش منڈی کے موجودہ تعمیراتی عمل کو جلد از جلد مکمل کرنے کی ہدایات بھی کیں. انہوں نے فش منڈی تعمیرات میں بہترین اور معیاری میٹیریل استعمال کرنے کی ہدایت کی. ڈی سی لاہور نے کہا کہ فش منڈی اردو بازار سے حنین پورہ شاہدرہ منتقل کی جائے گی.
