چیئرمین پنجاب ریونیو اتھارٹی معظم اقبال سپرا کی زیر صدارت ریونیو اہداف کی تکمیل اور نئے سیکٹرز کے قیام بارے جائزہ اجلاس ہوا۔ رواں سال کی پہلی ششماہی میں 149 اعشاریہ 5 ارب روپے محصولات کے ریکارڈ اضافے پر افسران کی کارکردگی قابل ستائش رہی۔ پنجاب ریونیو اتھارٹی میں 100 نئے سیکٹرز کے قیام اور نئے افسران کی تعیناتی پر سفارشات کا جائزہ لیا گیا۔صوبہ بھر میں انفورسمنٹ افسران کی استعداد کار میں اضافہ کیلئے ٹریننگ پروگرام شروع کرنے کا فیصلہ کیا گیا۔ چیئرمین پی آر اے کا کہنا تھا کہ رواں سال کی نسبت پہلی ششماہی میں 35 فیصد اضافی محصولات اکٹھے کیے گئے۔ پی آر اے قوانین میں مجوزہ ترامیم سے ٹیکس محصولات میں واضح اضافہ ہوا۔ معظم اقبال سپرا نے واضح کیا کہ ٹیکس کولیکشن میں اضافے اور شفافیت یقینی بنانے کیلئے دیگر سرکاری ادروں سے معاونت لی جائے گی۔ آئندہ ششماہی کے ٹیکس محصولات اہداف میں اضافے کیلئے ہر ممکن اصلاحات یقینی بنائی جائیں گی۔
