پرائیویٹ ہاؤسنگ سکیموں کے تعاون سے دو لاکھ سے زائد پودے لگائے ماحولیاتی تحفظ یقینی بنا رہے ہیں ڈی جی ایل ڈی اے طاہر فاروق

ڈائریکٹر جنرل لاہور ڈویلپمنٹ اتھارٹی طاہر فاروق نے ورلڈ ارتھ ڈے کے موقع پرایل ڈی اے آفس جوہر ٹاؤن میں پودا لگایا۔ڈائریکٹر جنر ل ایل ڈی اے طاہر فاروق نے ایل ڈی اے جوہر ٹاؤن دفتر کے لان میں ایروکیریا کا پودا لگایا۔اس مو قع پر ڈائریکٹر جنرل ایل ڈ ی اے طاہر فاروق نے کہا کہ ورلڈ ارتھ ڈے منانے کا مقصد ماحولیاتی تحفظ بارے آگہی فراہم کرنا ہے۔ وزیراعلٰی پنجاب مریم نواز شریف کی ہدایات پر ایل ڈی اے شہر میں ماحولیاتی تحفظ کو یقینی بنانے کے لیے اقدامات کر رہا ہے۔ شہر میں شجر کاری کے فروغ، انسداد سموگ اقدامات اور سائیکلنگ کے فروغ کے لیے اقدامات جاری ہیں۔ ڈی جی ایل ڈی اے طاہر فاروق نے کہا کہ ایل ڈی اے نے حال ہی میں پرائیویٹ سکیموں کے تعاون سے 2 لاکھ سے زائد پودے لگائے ہیں۔ صوبائی دارالحکومت کو لیوایبل سٹی بنانے کے لیے جامع اور ٹھوس اقدامات کر رہے ہیں۔ ایل ڈی اے شہر میں ماحولیاتی تحفظ یقینی بنانے کے لیے پرائیویٹ سیکٹر کے ساتھ مل کر اقدامات کر رہا ہے۔ اس موقع پر ایڈیشنل ڈی جی یوپی خالد گورائیہ، ڈائریکٹر ڈی جی ہیڈکوارٹر آصف حسین، ڈائریکٹر ایڈمن رابعہ ریاست، ڈائریکٹر انوائرمنٹ ایل ڈی اے فرخانہ ممتاز، ڈائریکٹر بلڈنگ اور متعلقہ افسران موجود تھے۔