لاہور میں صفائی کیلئے زیروویسٹ آپریشن 5نومبر سے شروع،ضلعی سطح پر اے ڈی ایل جی فوکل پرسن ہونگے،دیگر اضلاع ایل ڈبلیو ایم سی سے رابطے میں ہیں، کمشنر لاہور

کمشنر لاہور ڈویژن زید بن مقصود کی زیر صدارت ستھرا پنجاب پروگرام کے تحت صفائی و زیرویسٹ سرگرمیوں کے حوالے سے اجلاس منعقد ہوا۔اجلاس میں تمام اضلاع نے ستھرا پنجاب کے تحت ویسٹبنز، کنٹینرز، مشینری دستیابی، افرادی وسائل فراہمی پر مکمل بریفنگ دی۔ بریفنگ دیتے ہوئے کہا گیا ہے

کہ لاہور میں صفائی کیلئے زیروویسٹ آپریشن 5 نومبر سے شروع کیا جارہا ہے، 25 یونین کونسلز میں زیروویسٹ آپریشن شروع ہوگا اور مرحلہ وار 25 ,25 یوسیز کو شامل کیا جائے گا، ضلعی سطح پر اے ڈی ایل جی فوکل پرسن ہونگے، ڈی سی ز نے مانیٹرنگ میکنزم وضع کرلیا ہے، ستھرا پنجاب کے تحت صفائی کیلئے تحصیلوں کی آوٹ سورسنگ پر بھی بریفنگ دی گئی۔ کمشنر لاہور نے اضلاع سے زیر ویسٹ پر کام اور آوٹ سورسنگ لانچنگ کی تفصیلات طلب کر لیں۔ انہوں نے کہا ہے کہ لاہور ڈویژن کے اضلاع ایل ڈبلیو ایم سی سے بھی رابطہ میں ہیں، صفائی آوٹ سورسنگ کو جلد مکمل کررہے ہیں۔ وزیراعلی پنجاب کی اولین ترجیح صفائی اور ستھرا پنجاب پروگرام ہیں۔ ستھرا پنجاب کے تحت عارضی کلیکشن پوائنٹس، ڈمپنگ سائٹس کو بھی بہترین طریقے سے بنایا جائے۔ اجلاس میں ڈی سی لاہور سید موسی رضا، ڈی سی ننکانہ محمد تسلیم راو، ڈی سی قصود محمد اورنگزیب، ایڈیشنل کمشنر عبدالسلام عارف، سی او ایل ڈبلیو ایم سی بابر صاحبدین، اے ڈی س آر شیخوپورہ عثمان جلیس کی شرکت، ڈی سی ز نے بزریعہ ویڈیو لنک شرکت کی۔