کروم ڈسچارج واٹر انسانی صحت کیلئے نہایت مضر ہے۔ صرف کروم فری پانی ہی جنرل چینل میں ڈالا جاسکتا ہے، 341 ٹینریز فیکٹریز کو نوٹس جاری۔کمشنر لاہور

کمشنر لاہور زید بن مقصود کی زیر صدارت ٹینریز (چمڑہ کارخانوں) کروم فلٹریشن کے حوالے سے اجلاس منعقد ہوا۔ ڈی سی قصور کیپٹن ر محمد اورنگزیب نے ٹینریز کے کروم پلانٹ لگانے کے حوالے سے بریفنگ دیتے ہوئے کہا ہے کہ تمام 341 ٹینریز فیکٹریز کو نوٹس جاری کردئیے گئے ہیں، ٹینریز کو وارننگ دی گئی ہے کہ انفرادی کروم پلانٹ لگائیں یا سرکاری پلانٹ تک پہنچائیں۔ کمشنر لاہور نے کہا ہے کہ ٹینریز کیلئے ٹائم لائنز اور ڈیڈ لائنز کے مطابق کروم فلٹریشن پلانٹس لگانا لازمی ہیں، ٹینریز انفرادی اور کلسٹر سطح پر کروم ڈسچارج واٹر ٹریٹمنٹ لگا سکتے ہیں، ٹینریز مینیجمنٹ کروم ڈسچارج ٹریٹمنٹ کیلئے ورکنگ پلان کو عملی جامہ پہنائے، ٹینریز سے وسیع روزگار مل رہا ہے ڈسچارج واٹر کا ٹریٹمنٹ ناگزیر ہے، انہوں نے کہا ہے کہ لاہور ہائیکورٹ کے احکامات و ہدایات واضح ہیں کہ ٹریٹمنٹ پلانٹ ماحول و علاقہ مکینوں کا تحفظ ہے، کروم ڈسچارج واٹر انسانی صحت کیلئے نہایت مضر ہے، صرف کروم فری پانی ہی جنرل چینل میں ڈالا جاسکتا ہے، ٹینریز مالکان یقینی بنائیں کہ زیریلا پانی کسی ٹینری سے باہر نہ آئے، ضلعی انتظامیہ ٹینریز مینیجمنٹ کی مکمل معاونت کررہی ہے، کروم فلٹریشن پلانٹس ناگزیر ہیں، انتظامیہ کا مقصد ایک ہے کہ ڈسچارج ویسٹ واٹر کی کروم فلٹریشن یقینی بنائی جائے۔ اجلاس میں ایڈیشنل کمشنر عبدالسلام عارف، ایڈیشنل کمشنر حامد محمود ملہی، ڈی سی قصور کیپٹن ر محمد اورنگزیب سمیت دیگر افسران نے شرکت کی۔