کمشنر لاہور زید بن مقصود کی زیر صدارت کمرشل عمارت، اپارٹمنٹش پولٹری فارمز، پٹرول پمپس اور وئیر ہاؤسز کے ماحولیاتی این او سیز اجراء کے حوالے سے ڈویژنل ماحولیات کمیٹی کا اجلاس منعقد ہوا۔ کمشنر لاہور سے منظوری کیلئے ماحولیاتی کمیٹی نے پوری ڈویژن کے 30 کیسز پیش کیے، این او سیز کیلئے تمام درخواستوں پر کمیٹی نے بریفنگ دی اور فائلوں کا ریکارڈ پیش کیا۔ کمشنر لاہور نے پیش کردہ 30 درخواستوں میں سے 10 کیسز کو ماحولیاتی این او سیز جاری کرنے کی منظوری دی، ماحولیاتی کمیٹی نے 14 کیسز نامکمل ہونے پر مسترد کردئیے، جبکہ 6 کیسز کو ملتوی کیا گیا۔ این او سی اجراء کے لیے 16 درخواستوں کو نان کمرشیلائزیشن سرٹیفکیٹ اور نان ہائٹ سرٹیفکیٹ نہ ہونے پر مسترد کیا گیا۔ کمشنر لاہور نے کہا ہے کہ ڈویژنل ماحولیاتی کمیٹی این او سیز اجراء کیلئے باقاعدگی سے ہفتہ وار اجلاس میں کیسز کا جائزہ لیتی ہے، کاروبار کے فروغ، ایز آف بزنس ڈوئنگ اصول پر این او سی اجراء کیلئے باقاعدگی سے جائزہ لیا جارہا ہے، حکومت پنجاب کا تحفظ ماحولیات پر فوکس ہے، این او سی کیلئے مکمل فائل پر تاخیر نہیں ہے۔
