وزیر لوکل گورنمنٹ اینڈ کمیونٹی ڈویلپمنٹ ڈیپارٹمنٹ پنجاب ذیشان رفیق کے ستھرا پنجاب پروگرام کے حوالے سے وزیر آباد کا دورہ کیا۔ انہوں نے وزیرآباد اور گکھڑ کے محلوں، جی ٹی روڈ، سیالکوٹ روڈ کے مرکزی داخلی اور خارجی راستوں میں صفائی کا جائزہ لیا۔
انہوں نے صفائی اورآؤٹ سورس ماڈل کے نفاذ کی کوششوں کو سراہا۔ تاہم، انہوں نے ٹھیکیداروں پر زور دیا کہ وہ ریلوے لائنوں اور جی ٹی روڈ کے ساتھ صفر فضلہ کو یقینی بنائیں۔ مقامی ایم پی اے عدنان افضل چٹھہ اور وقار چیمہ، اے سی وزیر آباد رب نواز اور سی ای او گوجرانوالہ ویسٹ مینجمنٹ کمپنی – جی ڈبلیو ایم سی شاہد عباس بھی ان کے ہمراہ تھے اور انہوں نے اپنے دورے کے دوران عوام سے رائے بھی لی۔
