ڈی سی لاہور سید موسیٰ رضا نے شہباز شریف تحصیل ہیڈ کوارٹر ہسپتال کا اچانک دورہ کیا. ڈی سی لاہور نے ہسپتال انتظامیہ سے ملاقات کی اور انتظامی امور پر بریفنگ لی.
ہسپتال انتظامیہ نے مریضوں کو دی جانے والی سہولیات سے متعلق تفصیلی بریفنگ دی. ہسپتال میں ڈاکٹر و سٹاف کی حاضری، ادویات کی سپلائی و ڈیمانڈ پر مریضوں کی لاگ شیٹ سے متعلق گفتگو کی. ڈی سی لاہور سید موسیٰ رضا نے مختلف سیکشنز و وارڈز سمیت میٹرنٹی وارڈ کا بھی جائزہ لیا. ڈی سی لاہور نے کہا کہ میٹرنٹی وارڈز میں تمام تر سہولیات و ادویات کی بروقت فراہمی یقینی بنائی جائے، ڈی سی لاہور نے واضح ہدایات کیں کہ ہسپتال میں آنے والے مریضوں کے ساتھ مشفقانہ اور ہمدردانہ رویہ اختیار کیا جائے اور مریضوں کے علاج و معالجہ میں کوئی کسر نہ اٹھا رکھی جائے، ڈی سی لاہور سید موسیٰ رضا نے کہا کہ وزیر اعلیٰ پنجاب مریم نواز شریف کی ہدایت پر ہسپتالوں میں بہترین سہولیات کی فراہمی کیلئے کاوشیں جاری ہیں.
