پندرہ دنوں کے دوران اوور چارجنگ پر پنجاب میں 6ہزار 471 دکانیں سیل،سیکرٹری فوڈ سیفٹی اینڈ کنزیومر پروٹیکشن

فوڈ سیفٹی اینڈ کنزیومر پروٹیکشن ڈاکٹر خورشید نے بتایا ہے کہ محکمہ فوڈ سیفٹی اینڈ کنزیومر پروٹیکشن کا گراں فروش مافیا کے خلاف کریک ڈاؤن مسلسل جاری ہے اورپنجاب بھر میں گزشتہ روز پرائس کنٹرول مجسٹریٹس نے 76 ہزار 500سو سے زائد مقامات پر چھاپے مارے اور اوور چارجنگ کرنے والے 2 ہزار835 گراں فروشوں کے خلاف سخت ایکشن لیا گیا-انہوں نے بتایا کہ ناجائز منافع خوری میں ملوث افراد کے خلاف 33 مقدمات درج کیے گئے اور314 ناجائز منافع خوروں کوگرفتار کیا گیا اور انہیں 28 لاکھ 28 ہزار سے زائد جرمانہ عائد کیا گیا -ڈاکٹر کرن خورشید نے بتایا کہ پنجاب کے تمام اضلاع میں 1700 سے زائد پرائس کنٹرول مجسٹریٹس فرائض سر انجام دے رہے ہیں جن میں پیرا فورس اور فوڈسیفٹی کے مجسٹریٹس بھی شامل ہیں -انہوں نے مزید بتایا کہ یکم رمضان سے 15 اب تک پرائس کنٹرول مجسٹریٹس کی کاروائیوں کے دوران 6 ہزار 771 دکانیں اور گودام سیل کیے گئے ہیں- سیکرٹری فوڈ سیفٹی نے کہا کہ پنجاب میں ناجائز منافع خوری کے خلاف زیرو ٹالرنس ہے اور ناجائز منافع خوری کرنے والے عناصر کے ساتھ اہنی ہاتھوں سے نپٹا جائے گااورعوام کو سستی اور معیاری اشیائے ضروریہ کی فراہمی یقینی بنانے کے لیے حکومت پنجاب تمام وسائل بروئے کار لا رہی ہے –