کراچی کی تین اہم شاہراہوں کو شمسی توانائی پر منتقل کرنے کا منصوبہ فائنل کر لیا گیا ہے۔کراچی میٹروپولیٹن کارپوریشن نے ورلڈ بینک کے تعاون سے ایک ارب روپے کے منصوبے کا ٹینڈر جاری کردیا ہے۔
شمسی توانائی پر شارع فیصل، میرین ڈرائیو روڈ اور شاہراہ ایران / شاہراہ فردوس شامل ہیں۔ میئر کراچی بیرسٹر مرتضیٰ وہاب کے مطابق پائلٹ پروجیکٹ کے بعد کے ایم سی کے زیر انتظام 103 مزید بڑی شاہراہوں کو بھی سولر سسٹم پر منتقل کرنے کے اقدامات کئے جا ئیں گے۔ بجلی کی بجت سے جو فنڈ موجود ہوگا اس سے شہر میں ترقیاتی کام کروائے جائیں گےکراچی میٹروپولیٹن کارپوریشن کے ہیڈ آفس کو بھی شمسی توانائی پر منتقل کرنے کے احکامات جاری کردیے ہیں۔کے ایم سی کا ہیڈ آفس ملک کا پہلا کاؤنسل ہوگا جو مکمل طور پر شمسی توانائی پر چلے گا۔
