ڈی سی لاہور سید موسیٰ رضا نے تحصیل سٹی کے مختلف مقامات کے دورے کیے. انہوں نے داتا دربار اطراف، موری گیٹ نالہ، سگیاں پل، سبزہ زار ڈی بلاک میں صفائی اقدامات کا جائزہ لیا. سی او ایم سی ایل شاہد عباس کاٹھیا، اسسٹنٹ کمشنر سٹی بابر علی رائے و دیگر بھی ان کے ہمراہ تھے.
اسسٹنٹ کمشنر سٹی نے بریفنگ میں بتایا کہ صفائی و انتظامی امور میں بہتری کے لئے فیلڈ میں متحرک ہیں. ڈی سی لاہور نے اسسٹنٹ کمشنر سٹی کو موقع پر ہدایت کی کہ گرین بیلٹس کی بحالی کے لئے ضروری اقدامات اٹھائیں اور واضح ہدایت کی کہ جہاں کہیں پیچ ورک کی ضرورت ہے، ایم سی ایل پیچ ورک کا کام مکمل کرے. انہوں نے موری گیٹ نالہ میں گندگی کی نشاندہی پر واسا حکام کو ترجیحی بنیادوں پر صفائی کے احکامات صادر کیے. ڈی سی لاہور نے سبزہ زار ڈی بلاک میں ایک خالی پلاٹ میں دوبارہ گندگی کی نشاندہی پر ایل ڈبلیو ایم سی حکام کو فی الفور کلئیر کرنے کی ہدایت کی اور کہا کہ صفائی میکانزم کو مزید بہترین بنانے کے لئے مربوط حکمت عملی اپنائی جائے، ڈی سی لاہور نے کہا کہ داتا دربار و دیگر مقامات پر غیر قانونی پارکنگ اسٹینڈز کے خلاف سخت ایکشن لیکر فی الفور کلئیر کروایا جائے، ڈی سی لاہور نے کہا کہ سڑک کنارے ہر قسم کی موجود تجاوزات کو مکمل طور پر ختم کروایا جائے، ڈی سی لاہور نے کہا کہ تجاوزات کا خاتمہ یقینی بنا کر ٹریفک مسائل میں کمی لائی جائے اور تجاوزات کے خاتمے کے لئے آپریشنز تیز کئے جائیں، شہر بھر کو تجاوزات سے پاک کیا جائے، ڈی سی لاہور نے کہا کہ جھگیوں و جانوروں کے انخلاء میں کوتاہی اور لاپرواہی نہ برتی جائے، ڈی سی لاہور نے کہا کہ جھگیوں و جانوروں کے انخلاء پر خصوصی فوکس کیا جائے اور متبادل جگہوں پر منتقل کیا جائے، ڈی سی لاہور نے کہا کہ جھگیوں کے انخلاء کا مقصد کسی کو بھی تکلیف پہنچانا نہ ہے بلکہ خانہ بدوشوں کو متبادل جگہ فراہم کرکے شہر کی خوبصورتی کو برقرار رکھنا ہے، ڈی سی لاہور سید موسیٰ رضا نے کہا کہ وزیر اعلیٰ پنجاب مریم نواز شریف کی ہدایت پر کلین مشن کو عملی جامہ پہنانے کے لئے متحرک ہیں.
