شائقینِ کرکٹ کے لیے آئی سی سی چیمپینز ٹرافی کی تیاریاں مکمل کر لی گئی ہیں۔دورانِ میچز صاف ماحول کی فراہمی اور صفائی سہولیات یقینی بنانے کے لیے ایل ڈبلیو ایم سی کی صفائی ٹیموں نے قذافی اسٹیڈیم اور اس کے اطراف میں صفائی دھلائی کا کام مکمل کر لیا ہے۔ سی ای او بابر صاحب دین کا چیمپینز ٹرافی کی تیاریوں کے حوالے سے کہنا ہے کہ ایل ڈبلیو ایم سی کے 300 سے زائد ورکرز، 8 واشر گاڑیوں نے اسٹیڈیم کے اطراف صفائی دھلائی کے عمل میں حصہ لیا،جبکہ چیمپینز ٹرافی میچز کے دوران ہر انکلیوژر میں 15 ورکرز، 01 سپر وائزر ڈیوٹی پر موجود رہیں گے۔50 سے زائد صفائی ورکرز قذافی اسٹیڈیم کے اطراف اور پارکنگ ایریاز میں صفائی ستھرائی یقینی بنائیں گے۔200 سے زائد ورکرز، 15 سپروائزرز، میچز کے دوران قذافی سٹیڈیم میں ڈیوٹی سر انجام دیں گے۔ آئی سی سی چیمپینز ٹرافی کے دوران قذافی اسٹیڈیم کو زیرو ویسٹ زون ڈکلیئر کیا گیا ہے، قذافی اسٹیڈیم کی حدود میں شاپرز، ریپرز پھینکنے والے تماشائیوں کو 100 روپے جرمانہ کیا جائے گا۔
مزید برآں 2 واٹر بائوذرز قذافی اسٹیڈیم کے اطراف پانی کا چھڑکاؤ جاری رکھیں گے۔مکینیکل سویپرز کی مدد سے قذافی اسٹیڈیم آنے اور جانے والے راستوں کو کلیئر کیا جا رہا ہے۔ایل ڈبلیو ایم سی میچز کے دوران تماشائیوں کو صفائی کی بہترین سہولیات فراہم کرنے کیلئے پر عزم ہے۔ لاہور کے عوام کو صاف ستھرا ماحول فراہم کرنے کے لیے تمام وسائل بروئے کار لائے جارہے ہیں۔ شائقین کرکٹ سے بھی گزارش ہے کہ وہ میچز کے دوران اسٹیڈیم میں کوڑا کرکٹ پھینکنے سے گریز کریں۔صفائی سے متعلق شکایات کے ازالے کے لیے ہیلپ لائن 1139 پر رابطہ کریں یا سوشل میڈیا کا استعمال کریں۔
