نگران وزیر اعلیٰ گلگت بلتستان جسٹس (ر) یار محمد نے چیف الیکشن کمشنر راجہ شہباز علی خان سے ملاقات کی۔ اس موقع پر نگران وزیر اعلیٰ نے شفاف انتخابات کو یقینی بنانے کے لیے ہر ممکن تعاون اور وسائل کی فراہمی کا یقین دلایا۔ انہوں نے الیکشن سے متعلق حساس ریکارڈ کی سکیورٹی کے لیے کیے جانے والے اقدامات کا جائزہ بھی لیا اور گفتگو کرتے ہوئے کہا کہ نگران صوبائی حکومت پرامن اور شفاف انتخابات کے انعقاد کے لیے مکمل طور پر پرعزم ہے۔
