وزیر اعلیٰ خیبر پختونخوا علی امین خان گنڈاپور کا زیر تعمیر پشاور بس ٹرمینل کا دورہ،صوبائی کابینہ اراکین ارشد ایوب خان، رنگیز احمد اور بیرسٹر محمد علی سیف بھی وزیراعلیٰ کے ہمراہ تھے- وزیر اعلٰی علی امین خان گنڈاپور کو زیر تعمیر بس ٹرمینل کے مختلف پہلوؤں پر تفصیلی بریفنگ دی گئی،
وزیراعلیٰ نے بس ٹرمینل میں جاری تعمیراتی کام کا بھی جائزہ لیا- بریفنگ میں بتایا گیا کہ پشاور بس ٹرمینل پر 75 فیصد کام مکمل ہے، رواں سال جون تک مکمل کر لیا جائے گا، یہ بس ٹرمینل 323 کنال رقبے پر محیط ہے، 3.67 ارب روپے کی لاگت سے مکمل کیا جائے گا، اس جدید طرز کے بس اسٹیڈ میں مسجد، کار پارکنگ، ریسٹ ایریاز، واش رومز سمیت تمام درکار سہولیات دستیاب ہونگی، بس اسٹیڈ میں سولر سسٹم اور سی سی ٹی وی کیمرے نصب ہونگے-وزیر اعلٰی علی امین گنڈاپور نے کہا کہ پشاور بس ٹرمینل اسٹیٹ آف دی آرٹ ٹرمینل ہوگا۔ نئے ٹرمینل کی تعمیر سے پشاور شہر میں ٹریفک مسائل بھی کافی حد تک ختم ہو جائیں گے۔ علی امین خان گنڈاپور نے ہدایت کی کہ منصوبے پر ٹائم لائنز کے مطابق پیشرفت اور اس کی مقررہ مدت میں تکمیل کو یقینی بنایا جائے۔
