وزیراعلیٰ پنجاب مریم نوازشریف صوبہ میں مزدوروں کی ویلفیئر کیلئے سرگرم ہیں -وزیراعلی مریم نوازشریف نے مزدوروں کی فلاح وبہبود کیلئے اہم منصوبوں کی منظوری دے دی-وزیراعلیٰ مریم نوازشریف نے جائزہ اجلاس میں مزدوروں کی فلاح وبہبود کیلئے صوبائی وزیرمحنت فیصل ایوب کھوکھرسے جامع پلان طلب کرلیا-وزیراعلیٰ مریم نوازشریف نے پنجاب بھر میں کم از کم اجرت کا نفاذ یقینی بنانے کا حکم دیا ہے-وزیراعلی مریم نوازشریف نے لیبر ڈیپارٹمنٹ کے حکام کو ہدایت کی کہ پنجاب بھر میں ورکروں کو کم از کم 37ہزارروپے ماہانہ ادائیگی کی جائے -وزیراعلیٰ مریم نوازشریف نے پنجاب بھر میں لیبرکالونیاں بنانے کیلئے پلان بھی طلب کر لیا اور صوبہ بھر میں سوشل سکیورٹی ہسپتالوں کی ری ویمپنگ کا حکم دیاہے-لاہوراورپنڈی اسلام آباد میں پری سکینگ کیلئے مریم نوازشریف ویلنس سینٹر بنیں گے- مریم نوازویلنس سینٹر میں مریضوں کو سکریننگ کے بعد بڑے ہسپتال میں ریفرکیا جائے گا- لاہورڈیفنس روڈ پر 200بیڈ کا رحمت اللعالمین کارڈیالوجی سینٹر بنانے کا اصولی فیصلہ کیا گیاہے،رحیم یار خان میں 50بیڈ کے نئے سوشل سکیورٹی ہسپتال کی اصولی منظوری دی گئی- وزیراعلیٰ مریم نوازشریف نے مزدوروں کی فلاح وبہبود کیلئے لیبرلاز میں ترامیم کی ہدایت کی- وزیراعلی مریم نوازشریف نے کہاکہ محنت کش اللہ کے دوست ہیں،اللہ کے دوستوں کو ناراض نہیں کرسکتے۔پنجاب کو مزدوروں کی فلاح وبہبود کے حوالے سے مثالی صوبہ بنانے کا عزم رکھتے ہیں۔مزدور کی اجرت،علاج معالجہ،بہترروزگار اوراپنی چھت حکومت کی ذمہ داری ہے۔کوئی مزدوربھوکا نہ سوئے،کسی کو دکھ اورپریشانی نہ ہو۔مزدوروں کے بچوں کیلئے اعلی تعلیم کے بہتر مواقع مہیا کررہے ہیں۔
وزیراعلی مریم نوازشریف نے مزدوروں کی فلاح وبہبود کیلئے اہم منصوبوں کی منظوری دے دی، کم از کم اجرت کا نفاذ یقینی بنانے کا حکم
