پنجاب پلاننگ اینڈ ڈویلپمنٹ بورڈ نے مالی سال 2025-26 کے صوبائی ترقیاتی ورکنگ پارٹی کے 52 ویں اجلاس میں مختلف سیکٹرز کی ترقیاتی سکیموں کے لئے 14 ارب روپے کے فنڈز کی منظوری دے دی گئی. اجلاس میں ایک 32 ارب روپے کا منصوبہ حتمی کے لیے ایکنک کو بھیجنے کی منظوری بھی دی گئی۔
اجلاس کی صدارت چیئرمین پلاننگ اینڈ ڈیویلپمنٹ بورڈ پنجاب ڈاکٹر نعیم رؤف نے کی۔اجلاس میں جن منصوبوں کی منظوری دی گئی ان میں سیالکوٹ میں ٹیچنگ ہسپتال کے قیام کے لیے 10 ارب 70 کروڑ روپے اور کوٹلی ستیاں میں چیئر لفٹ سسٹم اور متعلقہ انفراسٹرکچر کے قیام کے لیے 3 ارب 15 کروڑ روپے کے فنڈز کی منظوری شامل ہے۔صوبائی ترقیاتی ورکنگ پارٹی نے لاہور واٹر اینڈ ویسٹ واٹر مینجمنٹ پراجیکٹ ( ترمیم شدہ ) کا 32 ارب کا منصوبہ حتمی منظوری کے لیے ایکنک کو بھیجنے کی بھی منظوری دی۔ فنڈز کی منظوری پی ڈی ڈبلیو پی کے 52 ویں اجلاس میں دی گئی ۔ اجلاس میں سیکرٹری پلاننگ اینڈ ڈویلپمنٹ بورڈ رفاقت علی ، چیف اکانومسٹ مسعود انور ، ممبران پی اینڈ ڈی بورڈ اور متعلقہ محکموں کے افسران بھی شریک ہوئے۔
