ڈی جی ایل ڈی اے طاہر فاروق کی ہدایت پر ایل ڈی اے نے اپنی سکیموں سے تجاوزات کے خاتمے کی خصوصی مہم کا آغاز کر دیا ہے۔ایل ڈی اے ٹیموں کا سبزہ زار سکیم میں تجاوزات کے خلاف آپریشن کا چوتھا روز بھی جاری رہا، علامہ اقبال ٹاؤن کے مختلف بلاکس میں بھی دوسرے روز بھی آپریشن کیا گیا۔
ڈی جی ایل ڈی اے طاہر فاروق نے سبزہ زار سکیم اور علامہ اقبال ٹاؤن کا دورہ کیا۔ ڈی جی ایل ڈی اے نے سبزہ زار ایچ بلاک اور راوی بلاک اقبال ٹاؤن میں آپریشن کا جائزہ لیا۔ڈی جی ایل ڈی اے طاہر فاروق نے اس موقع پر گفتگو کرتے ہوئے کہا کہ ایل ڈی اے دونوں سکیموں میں دو ہزار سے زائد گھروں سے عارضی تجاوزات و شیڈز ہٹا چکا ہے۔ ایل ڈی اے مرحلہ وار تمام سکیموں سے تجاوزات کلیئر کرے گا۔سبزہ زار سکیم اور اقبال ٹاؤن کے بعد دیگر سکیموں میں بھی آپریشن جاری رہے گا۔ ڈی جی ایل ڈی اے طاہر فاروق نے کہاکہ شہری از خود گھروں کے باہر سے تجاوزات کا خاتمہ کردیں۔ ایل ڈی اے سکیموں میں گھروں کے باہر تجاوزات، عارضی پارکنگ شیڈ، تھرے و دیگر تجاوزات مسمار ہونگی۔ایڈیشنل ڈی جی یوپی مدثر احمد شاہ اور ایڈیشنل ڈی جی ہیڈکوارٹر مجتبی عرفات آپریشن نے نگرانی کی۔آپریشن میں ایل ڈی اے کی بھاری مشینری، انفورسمنٹ سکواڈ، ڈائریکٹر انفورسمنٹ فراز احمد، ڈائریکٹر ہاؤسنگ فور، ہاؤسنگ تھری اور متعلقہ افسران نے شرکت کی۔
