لاہور میں تین روزہ بسنت فیسٹیول کی تکمیل پر محکمہ داخلہ پنجاب میں اہم اجلاس، تمام محکموں نے رپورٹ پیش کی۔ سیکرٹری داخلہ پنجاب نے کہا کہ اہل لاہور نے بسنت کے دوران قوانین اور ضابطہ اخلاق پر عملدرآمد کرتے ہوئے مثال قائم کی۔ بسنت کے دوران 20 لاکھ سے زائد افراد نے مفت پبلک ٹرانسپورٹ کی سہولت سے استفادہ کیا۔ پولیس، صحت، ریسکیو 1122، والڈ سٹی، ٹرانسپورٹ، تعلیم، سول ڈیفنس، لیسکو اور ضلعی انتظامیہ سمیت 15 سے زائد اداروں نے اپنا کردار بخوبی نبھایا۔ بسنت کے اوقات ختم ہونے پر پنجاب بھر میں پتنگ بازی، پتنگ ڈور کی خرید و فروخت اور نقل و حمل پر پابندی نافذ کر دی گئی ہے؛ خلاف ورزی پر قانون حرکت میں آئے گا
