ڈی جی ایل ڈی اے طاہر فاروق کی ہدایات پر ایل ڈی اے ٹاؤن پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ ایل ڈی اے ٹیموں نے مختلف سکیموں اور ایل ڈی اے کنٹرولڈ ایریا میں آپریشن کرکے3غیرقانونی املاک مسمار،54املاک سربمہرکر دیں۔ ٹیموں نے سمن آبا د، ریلوے اسٹیشن سکیم، فیروز پور روڈ،ایونیو ون، جوبلی ٹاؤن، مین رائے ونڈ روڈ، وحد ت روڈ، سبزہ زار میں کارروائیاں کیں۔ ایل ڈی اے ٹیموں نے پلاٹ نمبر159این، سمن آباد کو غیرقانونی تعمیر پر مسمار کر دیا۔ فیروز پور، اچھرہ میں غیرقانونی تعمیر مسمارکر دیا، پلاٹ نمبر11ریلوے اسٹیشن سکیم کو غیر قانونی تعمیر پر مسمار کر دیا۔ ایل ڈی اے ٹیموں نے ایونیو ون، جوبلی ٹاؤن، مین رائے ونڈ روڈ پر دو درجن سے زائدغیرقانونی کمرشل املاک کو سیل کر دیا۔ ٹیموں نے ریکوری آپریشن کے دوران وحدت روڈ اور سبزہ زار میں 30املاک سیل کر دیں۔سیل کی گئی املاک میں نجی سکول،بیوٹی سیلون، میڈیکل سینٹرفوڈ پوائنٹ، دکانیں، دفاتر ودیگر شامل ہیں۔ آپریشن چیف ٹاؤن پلانرون اسد الزمان اور چیف ٹاؤن پلانر ٹو اظہر علی کی زیر نگرانی کیا گیا۔ڈی جی ایل ڈی اے کی ہدایت پر غیرقانونی تعمیرات،غیرقانونی کمرشل عمارتوں، کمرشل فیس نادہندگان املاک کے خلاف بلاامتیاز کارروائیاں جاری ہیں۔
*غیرقانونی تعمیرات کے خلاف ایل ڈی اے ٹاؤن پلاننگ ونگ متحرک،مختلف سکیموں میں 54املاک سربمہر3غیرقانونی املاک مسمار*
