دیامر۔ چیف الیکشن کمشنر گلگت بلتستان راجا شہباز خان نے دیامر بھاشا ڈیم سائٹ کا دورہ کیا۔ چیف الیکشن کمشنر گلگت بلتستان نے مین ڈیم سائٹ پر جاری تعمیراتی سرگرمیوں اور تعمیراتی پیشرفت کا جائزہ لیا۔ چیف انجینئر( ڈائی ورشن ورکس) انجنیئر زاہد مجید، کنسلٹنٹس اور کنٹریکٹرز حکام نے چیف الیکشن کمشنر گلگت بلتستان کو ڈائی ورشن سسٹم اور مین ڈیم کے مختلف سائٹس پر جاری تعمیراتی پیشرفت سے متعلق بریفنگ دی۔ اس موقع پر کلکٹر دیامر بھاشا ڈیم و ڈپٹی کمشنر فیاض احمد اور دیگر حکام بھی موجود تھے۔
