صوبائی وزیر بلدیات پنجاب میاں ذیشان رفیق نے اپنی ٹیم کے ہمراہ ڈسکہ سپورٹس کمپلیکس کا افتتاح کیا۔ڈاکٹر رومان عاشر میاں، میاں نعیم اختر، محمد افضل منشاء سٹی صدر ڈسکہ و چئیرمین مرکزی انجمن تاجران ڈسکہ،
حاجی عظیم بٹ صدر پی پی 51، سابقہ چیئرمین چوہدری رسالت گجر، سابقہ ناظم عبدالمنان علوی، چوہدری نصراللہ چیمہ ایڈووکیٹ، سابقہ وائس چیئرمین بلدیہ ڈسکہ میاں ندیم مغل، جنرل سیکرٹری سول کلب ڈسکہ ظفر اقبال بٹ، سابقہ وائس چیئرمین چوہدری سرفراز احمد چیمہ، سابقہ کونسلرز، حاجی رفیق چوہان، اسد اللہ بہگل، مرزا یاسر، طاہر شفیع مغل، اشفاق انصاری، عمران بٹ ایڈووکیٹ، احمد وڑائچ ایڈووکیٹ، شفیق منشاء ایڈووکیٹ سابقہ سیکرٹری بار، رانا رضا، احسن احسان چیمہ ایڈووکیٹ، حافظ جہانزیب مغل، شیخ خرم ارشد، قاری واجد تبسم،
صدر یوتھ ونگ تحصیل ڈسکہ چوہدری سجاد گجر ایڈووکیٹ، کوآرڈینیٹر پی پی 51 ملک ندیم، نائب صدر ساجد بٹ، حاجی اقبال بٹ سمیت دیگر پارٹی عہدیداران، رہنما، کارکنان بھی ہمراہ تھے۔
ڈپٹی ڈائریکٹر سپورٹس نارتھ زون پنجاب اعزاز شیرازی، چیف آفیسر بلدیہ ڈسکہ الفت شہزاد، سینٹری انسپکٹر بلدیہ ڈسکہ چوہدری یوسف، بلدیہ ڈسکہ کے دیگر افسران بھی موجود تھے۔
صوبائی وزیر بلدیات کی آمد پر والہانہ استقبال کیا گیا، اور شاندار آتش بازی کا مظاہرہ کیا گیا جبکہ پھولوں کے ہار پہنائے گئے اور ڈھول کی تھاپ پر رقص بھی کیا گیا۔
صوبائی وزیر بلدیات پنجاب نے اپنی ٹیم کے ہمراہ سپورٹس کمپلیکس کے افتتاح کا فتہ کاٹا جبکہ اس موقع پر قاری واجد تبسم نے دعائے خیر کی۔
افتتاحی تقریب سے خطاب کرتے ہوئے صوبائی وزیر بلدیات پنجاب میاں ذیشان رفیق نے کہا ڈسکہ سپورٹس کمپلیکس پندرہ کروڑ روپے کی لاگت سے اسی سال دسمبر میں مکمل ہو گا۔
ڈسکہ سپورٹس کمپلیکس وزیراعلٰی پنجاب مریم نوازشریف کی جانب سے ڈسکہ کیلئے تحفہ ہے۔
وزیر بلدیات ذیشان رفیق نے ڈسکہ کی عوام کو خوشخبری سناتے ہوئے کہا کہ وزیراعلٰی پنجاب مریم نوازشریف نے ڈسکہ کیلئے 10 ارب روپے کی گرانٹ منظور کی ہے جس سے ڈسکہ تعمیر اور ترقی کی نئی منازل طے کرے گا۔
ڈسکہ میں نوازشریف اسٹیڈیم ہو شہبازشریف پارک ہو یا جتنے بھی کام ہوں وہ نوازشریف کی قیادت میں مسلم لیگ ن کے دور حکومت میں ہی ملیں گے۔
ڈسکہ میں روڈز کی جلد تعمیر کرکے سستی شہرت حاصل کر سکتا تھا لیکن پہلے سیوریج کی تعمیر نو اور انکروچمنٹ جیسے بڑے کام شروع کیا تاکہ ڈسکہ میں اگلے تیس سے چالیس سال کام کرنے کی نوبت پیش نہ آئے
ڈسکہ میں ترقیاتی کاموں کے معیار پر کوئی سمجھوتہ نہیں کیا جائے گا۔بعدازاں وزیر بلدیات نے خطاب کرتے ہوئے بھارتی جارحیت کے جواب میں پاک افواج کے شاہینوں کی جانب سے فیصلہ کن کارروائی سے دشمن بھارت کے دانت کھٹے کرنے پر زبردست خراج تحسین پیش کیا۔ ذیشان رفیق نے کہا کہ پاک افواج پر پوری قوم کو فخر ہے وزیراعظم پاکستان محمد شہبازشریف کے بروقت اور قائدانہ فیصلے سے بھارت کو عبرتناک شکست ہوئی،میاں محمد نواز شریف نے 28 مئی 1998 کو ایٹمی دھماکے کر کے ملک پاکستان کا دفاع ناقابل تسخیر بنا دیا ہے، 
ہم 28 مئی اور 10 مئی والے ہیں 9 مئی والے نہیں ہیں۔
