*بارش،واسا، ایل ڈی اے، ایم سی ایل، سی بی ڈی کی خصوصی ٹیمیں اپنے اپنے ایریاز میں متحرک رہیں*کمشنر لاہور*

لاہور کے مختلف علاقوں میں وقفے وقفے سے بارش کا سلسلہ جاری ہے۔ کمشنر لاہور زید بن مقصود نے نکاسی آب اور شہر کو صاف رکھنے کے حوالے سے واسا، ضلعی انتظامیہ، ایم سی ایل، ایل ڈبلیو ایم سی اور متعلقہ محکموں کو ہدایات جاری کیں۔کمشنر لاہور نے کہا ہے کہ تمام اضلاع کے ڈی سی ز اور اے سی ز کارپوریشنز عملہ کو پانڈنگ پر ردعمل دینے کیلئے فعال رکھیں، اے سیز اپنی تحصیلوں کو نکاسی آب کے لیے مانیٹر کریں اور ضروت پر ردعمل دیں، کمشنر لاہور نے کہا کہ ایل ڈبلیو ایم سی ٹیمیں بارش رکنے پر صفائی ردعمل دیں، واسا، ایل ڈی اے، ایم سی ایل، سی بی ڈی کی خصوصی ٹیمیں اپنے اپنے ایریاز میں متحرک رہیں۔کمشنر لاہور نے کہا کہ شہر کے 16 مقامات سے بارش کو ریکارڈ کیا جارہا ہے واسا انتظامیہ نکاسیئ آب کیلئے تمام مشینری فعال اور ڈسپوزل سٹیشنز پر بیک اپ کو فعال رکھے، شہر کے تمام سورنگ مقامات پر ایمرجنسی کیمپس نکاسی آب کیلئے فعال رکھے جائیں اور خاص طور پر انڈرپاسز میں نکاسیئ آب کیلئے مشینری فعال رکھی جائے۔ کمشنر لاہور نے کہا کہ بارشی پانی جمع ہونے کیصورت میں نشیبی علاقوں اور مین روڈ ز سے منسلک ایریا میں ایمرجنسی ٹیمیں نکاسی آب کو ممکن بنائیں جبکہ مزید زیادہ بارش کیصورت میں ایمرجنسی ٹیمیں فوری ردعمل دینے کیلئے تیار رہیں۔ انہوں نے مزید کہا کہ تمام ڈسپوزل سٹیشنز کو پوری گنجائش سے فعال رکھا جائے۔کمشنر لاہور نے ٹریفک پولیس کو ہدایت دیتے ہوئے کہا کہ ورکنگ ڈے اور آفس اواقات ہیں ٹریفک پولیس سڑکوں پر ٹریفک رواں رکھے۔