وزیر اعلیٰ پنجاب کی خصوصی ہدایت پر مرکزی امام بارگاہوں اور جلوس روٹس کے دورے جاری ہیں۔ کمشنر لاہور زید بن مقصود نے ڈی آئی جی آپریشنز لاہور ڈاکٹر فیصل کامران کے ہمراہ رات گئے 6 محرم الحرام مجالس اور جلوسوں کے جائزہ دورے کیے۔ کمشنر لاہور نے امام بارگاہ ابولفضل العباس مغلپورہ اور بھاٹی گیٹ 6محرم تعزیہ جلوس کا جائزہ دورہ کیا۔ کمشنر لاہور و ڈی آئی جی آپریشنز لاہور نے امام بارگاہ و جلوس منتظمین و لائسنس ہولڈرز سے ملاقات کی۔
کمشنر لاہور نے کہا ہے کہ وزیر اعلی پنجاب کی خصوصی ہدایت پر انتظامیہ ہر سطح پر محرم انتظامات کو مانیٹر کررہی ہے، انہوں نے کہا کہ مانیٹرنگ، ریسکیو، میڈیکل کور، سکیورٹی، لائٹنگ اور نکاسی آب انتظامات مکمل ہیں اور انتظامی مانیٹرنگ بھی جاری ہے۔ کمشنر لاہور نے کہا کہ منتظمین و لائسنس ہولڈرز نے انتظامیہ کی جانب سے کیے گئے انتظامات پر اطمینان کا اظہار کیا ہے، وزیراعلی پنجاب کی محرم انتظامات کو ہر پہلو سے یقینی بنانے کی ہدایات کے مطابق اقدامات اٹھائے گئے ہیں، حکومتی ہدایات اور ایس اوپی ز کیمطابق تمام انتظامات کو یقینی بنایا گیا ہے۔ کمشنر لاہور نے مزید کہا کہ مرکزی امام بارگاہوں و جلوسوں کے روٹس کی تمام ضروریات کو یقینی بنایا جارہا ہے، ضلعی انتظامیہ مجالس و جلوس منتظمین کے ساتھ مکمل رابطہ میں ہیں اوقات کی پابندی پر عملدرآمد یقینی بنائیں۔
