ڈائریکٹر جنرل لاہور ڈویلپمنٹ اتھارٹی طاہر فاروق نے ایل ڈی اے آفس جوہر ٹاؤن میں ایل ڈی اے ملازمین کی ویلفیئر کے لیے ملازمین میں چیک تقسیم کیے۔ڈائریکٹر جنرل ایل ڈی اے طاہر فاروق نے ایل ڈی اے ملازمین میں میرج گرانٹ اور تعلیمی سکالرشپ کے چیک تقسیم کیے۔ ایل ڈی اے ورکرز یونین (سی بی اے) کے عہدیداران اور عملے نے ملازمین کی ویلفیئر کے لئے کیے گئے اقدامات پر ڈی جی ایل ڈی اے طاہرفاروق کا شکریہ ادا کیا۔اس موقع پر ڈائریکٹر جنرل ایل ڈی اے طاہر فاروق نے کہا کہ ملازمین کی ویلفیئر اولین ترجیح ہے، اچھا کام کرنے والے ملازمین کی حوصلہ افزائی کی جائے گی۔ افسران و عملہ پوری دیانتداری اور لگن سے کام کریں۔ڈی جی ایل ڈی اے طاہر فاروق نے کہا کہ ایل ڈی اے کا کلچر افسران و عملے کے تعاون سے ہی بدلا جائے گا۔ایل ڈی اے عملہ دلجمعی سے کام کرے گا تو اچھے نتائج حاصل ہونگے۔ ڈی جی ایل ڈی اے طاہر فاروق کی ہدایت ایل ڈی اے ویلفیئر کمیٹی کی منظوری کے بعد 212ملازمین کو چیک دیئے گئے۔ ایل ڈی اے کے134ملازمین کو میرج گرانٹ جبکہ 78 ملازمین کو ایجوکیشن سکالرشپ کے چیک دیئے گئے۔میرج گرانٹ ملازمین ان کے بچوں کی شادی جبکہ تعلیمی سکالرشپ بچوں کی نمایاں پوزیشنز پر دی گئیں۔اس موقع پر ڈائریکٹر ایڈمن رابعہ ریاست، متعلقہ افسران اوریل ڈی اے ورکرز یونین (سی بی اے)کے عہدیداران نے شرکت کی۔
