ڈی جی ایل ڈی اے طاہر فاروق کی ہدایات پر ایل ڈی اے ٹیموں کی غیرقانونی کمرشل عمارتوں اور کمرشل فیس نادہندگان املاک کے خلاف کارروائیاں جاری ہیں۔ایل ڈی اے ٹیموں نے مختلف علاقوں میں کارروائیاں کر کے 200 املاک کو سر بمہرکر دیا۔ ایل ڈی اے ٹیموں نے واپڈا ٹاؤن، جوہر ٹاؤن، کینال روڈ، ملتان روڈ، فیصل ٹاؤن، شادمان اور گلبرگ سکیم میں کارروائیاں کیں۔واپڈا ٹاؤن مین بلیوارڈ پر 37 کینال روڈ پر 70 جوہر ٹاؤن میں 25 املاک کو سر بمہر کیا۔ایل ڈی اے ٹیموں نے ملتان روڈ پر 36 فیصل ٹاؤن میں 12 اور گلبرگ میں 15 املاک کو سربمہر کر دیا۔ایل ڈی اے ٹیموں نے شادمان اور ٹولنٹن مارکیٹ میں 5 املاک کو سربمہر کر دیا۔ان املاک میں فرنیچر شاپس، گراسری سٹور، بیکریز، بینک، شو روم، نجی سکول، اکیڈمی، فارمیسی، ماربل سٹور، کلینک، کیفے شاپ، ریستوران، معروف برینڈ، الیکٹرانک سٹور، ورکشاپ، دکانیں و دیگر شامل ہیں۔ان املاک کو غیر قانونی کمرشل استعمال اور کمرشل فیس کی عدم ادائیگی پر سیل کیا گیا۔ آپریشن سے پہلے ان املاک کو متعدد نوٹسز دیئے گئے تھے۔آپریشن چیف ٹاؤن پلانر ٹو اظہر علی اور چیف ٹاؤن پلانر ون اسدلزمان کی زیر نگرانی کیا گیا۔ڈی جی ایل ڈی اے طاہر فاروق کی ہدایت پر شہر میں غیرقانونی کمرشل عمارتوں /کمرشل فیس نادہندگان کے خلاف بلا امتیاز کارروائیاں جاری ہیں۔
