وزیر اعلیٰ پنجاب مریم نواز کی غریب اور مستحق خاندانوں کو مفت پلاٹوں کی فراہمی اگلے مرحلے میں داخل ہوچکی ہے، اس ضمن میں وزیر ہاؤسنگ پنجاب بلال یاسین کو ڈی جی پنجاب ہاؤسنگ اینڈ ٹاؤن پلاننگ سکندر ذیشان نے بریفنگ میں بتایا کہ اپنی زمین،اپنا گھر پورٹل پر مزید درخواستوں کی وصولی کا عمل بند کردیا گیا ہے،اپنی زمین، اپنا گھر پروگرام کے تحت 4 لاکھ 81 ہزار سے زائد افراد نے درخواستیں جمع کروا چکے ہیں، 3 لاکھ 67 ہزار سے زائد افراد کی درخواستیں ابتدائی سکریننگ کے معیار پر پورا اتری ہیں،وزیر ہاؤسنگ پنجاب کا کہنا تھا کہ صوبے کے 19 اضلاع میں آن لائن درخواستوں کے ذریعے 2ہزار مفت پلاٹس دیے جائیں گے، شفافیت اور سکروٹنی کے عمل کی نگرانی کیلئے 19 اضلاع میں کمیٹیاں تشکیل دی جاچکی ہیں، متعلقہ اضلاع کے ڈپٹی کمشنرز کی سربراہی میں سکروٹنی کمیٹی ایک ماہ میں رپورٹ پیش کرے گی، وزیر ہاؤسنگ بلال یاسین نے پھاٹا کے زیر انتظام اسکیموں کی بحالی کا کام جلد مکمل کرنے کی بھی ہدایات جاری کیں،انہوں نے واضح کیا کہ اپنی زمین اپنا گھر کے تحت مفت پلاٹ حاصل کرنیوالے خاندان اپنی چھت اپنا گھر پروگرام کے تحت 15 لاکھ تک بلاسود قرض سے بھی مستفید ہوسکیں گے۔
