ڈی جی ایل ڈی اے طاہر فاروق کی زیر صدارت ایل ڈی اے ٹاؤن پلاننگ ونگ کا اجلاس منعقد ہوا۔ اجلاس میں ڈی جی ایل ڈی اے طاہر فاروق نے ایل ڈی اے کنٹرولڈ ایریا میں زیر تعمیر املاک کی انسپکشن کرنے کی ہدایت کی۔
ڈی جی ایل ڈی اے طاہر فاروق نے کہا کہ ٹاؤن پلاننگ ونگ کے افسران زیر تعمیر املاک پر ایس او پیز کا نفاذ یقینی بنائیں۔ تمام زیر تعمیر املاک کو نوٹسز جاری کیے جائیں۔ایس او پیز کی خلاف ورزی کرنے والے مالکان و انتظامیہ کے خلاف سخت ایکشن لیا جائے۔اجلاس میں بریفنگ دی گئی کہ ایل ڈی اے ٹاؤن پلاننگ ونگ نے زیر تعمیر 50 املاک کو نوٹسز جاری کیے، 6 پر مقدمات بھی درج کرائے ہیں۔اجلاس میں ڈی جی ایل ڈی اے نے حالیہ مون سون سیزن میں زیر تعمیر املاک و پلازوں پر سرویلنس سخت کرنے کی ہدایت کی۔ ڈی جی ایل ڈی اے نے غیر قانونی کمرشل سرگرمیوں کے خلاف سخت کریک ڈاؤن کرنے کی ہدایت کی۔اجلاس میں ایڈیشنل ڈی جی یوپی، چیف ٹاؤن پلانر، ڈائریکٹر آرکیٹیکٹ اور ٹاؤن پلاننگ ونگ کے تمام ڈائریکٹرز نے شرکت کی۔
