ڈی جی ایل ڈی اے طاہر فاروق کی زیر صدارت کمرشل املاک کے باہری حصے (فساڈ) کے ایس او پیز بارے اہم اجلاس منعقد ہوا۔ اجلاس میں بلڈنگ فساڈ سٹینڈرائزیشن کمیٹی کے ممبران نے شرکت کی۔اجلاس میں صوبائی دارالحکومت لاہور کی اہم شاہراہوں کی خوبصورتی میں اضافے کے لیے املاک کے فساڈ کو خوبصورت بنانے کی تجاویز پر غورکیا گیا۔
اجلاس میں ڈی جی ایل ڈی اے طاہر فاروق نے کہا کہ صوبائی دارالحکومت کی اہم شاہراہوں پر املاک کے باہری حصے (فساڈ) کو یونیفارم اور خوبصورت بنایا جائے گا۔ ماہر آرکیٹیکٹ اور پرائیوٹ سیکٹر کی مدد سے نئے رجحانات کو اپنایا جائے گا،جہاں ضرورت محسوس ہو گی ایل ڈی اے اپنے ریگولیشن بھی تبدیل کرے گا۔ ماحول دوست تعمیرات کو فروغ دینے کے لیے ایل ڈی اے پرائیویٹ سیکٹر کو خصوصی رعایت بھی دے گا۔اجلاس میں نئی تعمیر ہونے والی املاک اور پہلے سے تعمیر شدہ املاک دونوں کے فساڈ میں بہتری بارے تجاویز طلب کی گئیں۔ایل ڈی اے کنٹرولڈ ایریا میں املاک کے باہری حصے کو بہتر بنانے کے لیے کمیٹی اپنی تجاویز پیش کرے گی۔اجلاس میں چیف ٹاؤن پلانر ون، ڈائریکٹر آرکیٹیکٹ اور ٹاون پلاننگ کے افسران، تعلیمی اداروں اور پرائیویٹ سیکٹر کے ماہرین، نمائندہ این سی اے، نمائندہ آباد، نمائند پاکستان آرکیٹیکٹ کونسل، ایم سی ایل اور ایل ڈی اے کے افسران نے شرکت کی۔
