عید الاضحیٰ کے موقع پر بلدیاتی ملازمین کی چھٹیاں منسوخ کردی گئی ہیں۔سپیشل سیکرٹری بلدیات آسیہ گُل کی زیر صدارت اجلاس میں عیدالاضحیٰ کے حوالے سے پلان کو حتمی شکل دے دی گئی ہے۔ اجلاس میں تمام چیف آفیسرز بلدیہ نے بذریعہ زوم لنک شرکت کی۔عید کے تینوں روز 100فیصد عملہ فیلڈ میں موجود رہے گا۔سپیشل سیکرٹری لوکل گورنمنٹ نے
چیف آفیسرز بلدیہ اور ویسٹ مینجمنٹ کمپنیوں کو نان بائیو ڈی گریڈ ایبل ویسٹ بیگز جلد از جلد تقسیم کرنے
کی ہدایت کی۔ سپیشل سیکرٹری آسیہ گل نے کہا کہ صوبہ بھر میں تمام لوکل گورنمنٹس اور ویسٹ مینجمنٹ کمپنیوں کی جانب سے 35لاکھ سے زائد بیگز تقسیم ہوں گے۔عوامی مقامات پر سری پائے جلانے والوں کے خلاف دفعہ 144کا نفاذ ہو گا۔جانوروں کی آلائشیں اور باقیات نہروں میں پھینکنے پر بھی دفعہ 144نافذ ہوگی۔عید الاضحیٰ کے سلسلے میں صوبائی سطح پر کنٹرول روم قائم کیا جا رہا ہے۔ صوبائی کنٹرول روم سے عیدالاضحیٰ کے تمام صفائی آپریشن کی نگرانی ہوگی۔صوبہ بھر میں آلائشیں جمع کرنے کے لیے 5ہزار سے عارضی کولیکشن پوائنٹس قائم کیے جا رہے ہیں۔صوبائی سطح پر 120سے زائد افسران اور ملازمین کنٹرول روم سے صفائی آپریشن کی نگرانی کریں گے۔چیف آفیسرز متعلقہ حدود میں بہترین انتظامات یقینی بنائیں ۔
