لاہور میں پاکستان کےسب سے بڑے ویسٹ واٹر ٹریٹمنٹ پلانٹ کی منظوری،بابو صابو ویسٹ واٹر ٹریٹمنٹ پلانٹ سی ڈی ڈبلیو پی نے منظور کر لیا

وزیر اعلیٰ پنجاب مریم نواز شریف کا ویژن، عوامی فلاح کے منصوبوں کی منظوری،لاہور میں پاکستان کی تاریخ کےسب سے بڑے ویسٹ واٹر ٹریٹمنٹ پلانٹ کی منظوری دے دی گئی ہے۔بابو صابو ویسٹ واٹر ٹریٹمنٹ پلانٹ سی ڈی ڈبلیو پی نے منظور کر لیا ہے۔منصوبے کے تحت سیوریج واٹر کو صاف کر کے دریائے راوی میں ڈالا جائے گا،ترجمان محکمہ ہاؤسنگ کے مطابق منصوبے کے لیےبابو صابو کے مقام پر 836 ایکڑ اراضی سال 1992-93 میں حاصل کی گئی تھی۔بابو صابو ویسٹ واٹر ٹریٹمنٹ منصوبے کا کل تخمینہ لاگت 52 ارب روپے ہے۔پہلے مرحلے میں کینٹ ڈرین، ملتان روڈ اور گلشن راوی کے سیوریج کو صاف کیا جا سکے گا۔منصوبہ فرانس کے ڈونر ادارے اے ایف ڈی کے تعاون سے مکمل کیا جائے گا،ترجمان محکمہ ہاؤسنگ کے مطابق پہلے مرحلے میں یومیہ 88 ملین گیلن پانی صاف کیا جا سکے گا۔منصوبے کی کل استعداد یومیہ 198 ملین گیلن ہو گی۔بابو صابو ویسٹ واٹر ٹریٹمنٹ منصوبہ تقریباََ ساڑھے چار سال میں مکمل کیا جائے گا۔لاہور کا سیوریج، ڈسپوزل سے پہلے مکمل طور پر صاف کرنے کے لیے کل 6 ویسٹ واٹر ٹریٹمنٹ پلانٹس درکار ہونگے۔وزیر اعلیٰ پنجاب مریم نواز کی ہدایات، ماحولیاتی بہتری کے منصوبے ترجیحی بنیادوں پر مکمل ہونگے۔