*محکمہ بلدیات کی طرف سے اضافی چارج،طاہر محمود گجر کو واہگہ زون ،سحر مختار کو عزیز بھٹی زون کی اضافی ذمہ داریاں،مستقل تقرریاں نہیں کی گئیں*

محکمہ بلدیات پنجاب نے بلدیہ عظمٰی لاہور کے شعبہ پلاننگ میں افسران کو اضافی چارج دینے کے احکامات جاری کر دیئے ہیں۔خالی آسامیوں پر نئی تقرریاں نہیں کی گئی۔جس کے لئے میٹروپولیٹن کارپوریشن لاہور نے درخواست کی تھی۔لوکل گورنمنٹ بورڈ کی جانب سے جاری نوٹیفکیشن کے مطابق طاہر محمود گجر زونل آفیسر پلاننگ شالیمار زون کو واہگہ زون کا اضافی چارج دے دیا گیا ہے۔اسسٹنٹ میٹروپولیٹن آفیسر پلاننگ سحر مختار کو عزیز بھٹی زون کا اضافی چارج دینے کے احکامات جاری کئے گئے ہیں۔محمد عرفان بلڈنگ انسپکٹر راوی زون کو عزیز بھٹی زون بلڈنگ انسپکٹر کی خالی اسامی کا چارج دے دیا گیا ہے۔