لاہور بورڈ میں تیسری پوزیشن حاصل کرنے والے فیضان رضا نے ننکانہ صاحب کے پہلے اعزازی ڈپٹی کمشنر کے عہدے کا چارج سنبھال لیا.اعزازی ڈپٹی کمشنر فیضان رضا کو فل سرکاری پروٹوکول کے ساتھ گھر سے ڈی سی آفس پہنچایا گیا۔اسسٹنٹ کمشنر شاہکوٹ ثناء شرافت و دیگر افسران نے اعزازی ڈپٹی کمشنر فیضان رضا کو گھر سے سرکاری گاڑی میں بٹھایااعزازی ڈپٹی کمشنر فیضان رضا نے گورنمنٹ ہائی سکول شاہکوٹ نمبر 1 کا دورہ کیا۔اعزازی ڈپٹی کمشنر نے اپنے اساتذہ اور سٹوڈنٹس سے ملاقات کی۔ڈی سی آفس پہنچنے پر ڈپٹی کمشنر محمد تسلیم اختر راو و دیگر ضلعی افسران نے اعزازی ڈپٹی کمشنر فیضان رضا کا پرتپاک استقبال کیا۔اعزازی ڈپٹی کمشنر نے شہریوں کے مسائل بھی سنے۔ضلعی افسران نے اعزازی ڈپٹی کمشنر فیضان رضا کو تفصیلی بریفنگ دی۔اعزازی ڈپٹی کمشنر بنانے پر ڈپٹی کمشنر محمد تسلیم اختر راو کا شکریہ ادا کرتا ہوں۔فیضان رضا نے کہا کہ اعزازی ڈپٹی کمشنر بننا میرے لیے اعزاز کی بات ہے۔ سبزی فروش کا بیٹا ہوں ، بہت مشکلات آئیں، والدین اور اساتذہ نے ہمیشہ ساتھ دیا۔ضلعی حکومت نے جو عزت دی ہمیشہ اس کا مان رکھوں گا۔دن رات مزید محنت کرکے اپنے ملک و قوم کا نام روشن کروں گا۔میں اس ایوارڈ کے اپنے والدین کے نام کرتا ہوں۔
ڈپٹی کمشنر محمد تسلیم اختر راو نے کہا کہ میں نوجوانوں کو پیغام دیتا ہوں اگر کوئی ضلع میں پہلی پوزیشن حاصل کرتا تو مزید پروٹوکول ملتا۔نوجوانوں کو پیغام دیتا ہوں محنت کریں اپنے والدین ، اساتذہ اور ملک کا نام روشن کریں۔
