وزیر تعلیم پنجاب رانا سکندر حیات نے ایک بار پھر واضح کیا ہے کہ صوبے کے تمام تعلیمی اداروں میں تدریسی سرگرمیوں کی بحالی یکم اپریل سے ہوگی۔ سکول، کالجز اور یونیورسٹیاں یکم اپریل سے کھلیں گے جبکہ ہائبرڈ نظام نہیں چلے گا، آن لائن کلاسوں کی طرف نہیں جا رہے بلکہ تمام کلاسیں فزیکل ہوں گی۔ انہوں نے سوشل میڈیا پر زیر گردش تدریسی سرگرمیوں کی مدت سے متعلق نوٹیفکیشن جعلی قرار دیتے ہوئے مزید کہا کہ تعلیمی ادارے ہفتے میں 4 دن کھولنے والا نوٹیفیکیشن فیک ہے۔ صوبے بھر کے تمام تعلیمی ادارے ہفتے میں 5 دن معمول کے مطابق کھلا کریں گے۔ طلباء سکول آئیں، پڑھائی کریں۔ دوسری جانب وزیر تعلیم رانا سکندر حیات نے میٹرک کے امتحانات کیلئے بنائے گئے سنٹرز کا اچانک دورہ کیا جہاں انہوں نے امتحانی عمل اور سہولیات کا جائزہ لیا اور کیو آر کوڈ کے ذریعے امیدواروں کی شناخت چیک کرنے کے ساتھ ساتھ سی سی ٹی وی کیمروں کی تنصیب اور فعالیت کا بھی جائزہ لیا۔ انہوں نے امتحانی سنٹرز کی آن لائن مانیٹرنگ کیلئے قائم کنٹرول روم کا بھی دورہ کیا اور سنٹرز کے اطراف غیر متعلقہ اشخاص کی نقل و حرکت کنٹرول کرنے کی ہدایت کرتے ہوئے کہا کہ حساس سنٹرز کے اطراف دفعہ 144 نافذ کر رکھی ہے۔ سی سی ٹی وی کیمروں کے ذریعے امتحانی سنٹرز کی مانیٹرنگ یقینی بنائی جائے۔ وزیر تعلیم نے کہا کہ بوٹی مافیا کے خلاف اعلانیہ اعلان جنگ کر رکھا ہے۔ گذشتہ سال بوٹی مافیا کا مضبوط نیٹ ورک توڑا، اس سال بھی انہیں پنپنے نہیں دیں گے۔ رانا سکندر حیات نے کہا کہ میری ذاتی مانیٹرنگ ٹیمیں پورے پنجاب کے امتحانی سنٹرز کی خفیہ مانیٹرنگ پر مامور ہیں۔ ہر سنٹر کی خفیہ مانیٹرنگ کی جا رہی ہے۔ نقل کروانے اور کرنے والے دونوں کے خلاف فوری قانونی کارروائی کی جائے گی۔ وزیر تعلیم کا کہنا تھا کہ میٹرک امتحانات میں بائیومیٹرک حاضری، کیو آر سکین کے ذریعے شفافیت یقینی بنائی جا رہی ہے۔ انہوں نے تعلیمی بورڈز کو تمام سنٹرز آن لائن رکھنے کی ہدایت کرتے ہوئے مزید کہا کہ جن سنٹرز کی شکایات آ رہی ہیں وہاں فوری ایکشن لیا جائے اور شکایات پر کارروائی کے حوالے سے انہیں آگاہ رکھا جائے۔
Read Next
3 دن ago
آپریشن تھیٹر نرسز کا عالمی دن: زندگی بچانے والے ہاتھ، مگر خود کتنے محفوظ اور بااختیار ہیں؟ حرفِ حقیقت: محمد اقبال مغل
3 دن ago
ذیابیطس کا عالمی دن۔۔۔ ایک خاموش بیماری، کروڑوں زندگیاں اور احتیاط کی ضرورت حرفِ حقیقت: محمد اقبال مغل
6 دن ago
صوبائی وزیر صحت خواجہ سلمان رفیق کی زیر صدارت سالانہ ترقیاتی پروگرام کے تحت جاری اور نئے ترقیاتی منصوبوں کے حوالے سے اجلاس
1 ہفتہ ago
*صدر یو ایم ٹی ابراہیم مراد کی چیئرمین نیب سے ملاقات،قومی خزانے میں 6.2 کھرب روپے واپس جمع کرانے پر نیب کو خراج تحسین*
2 ہفتے ago
*ابراہیم مراد کی یو ایم ٹی اور پنجاب کاؤنٹر نارکوٹکس فورس میں تعاون بڑھانے کے لیے ایم او یو کی پیشکش*
Related Articles
وزیر صحت خواجہ سلمان رفیق کی زیر صدارت حلقہ پی پی 153 میں جاری مختلف ترقیاتی منصوبوں پر پیش رفت کے حوالے سے اجلاس
ستمبر 26, 2026
ابریشم کاشف نے لاہور بورڈ آف انٹرمیڈیٹ اینڈ سیکنڈری ایجوکیشن میں تیسری پوزیشن حاصل کر لی
ستمبر 23, 2026

