ٹرسٹ سکول عامر ٹاؤن کیمپس، ہربنس پورہ لاہور میں اساتذہ کے سمر یونیفارم 2026 کی افتتاحی تقریب منعقد ہوئی جس میں تعلیمی، سماجی اور صحافتی حلقوں سے تعلق رکھنے والی ممتاز شخصیات نے شرکت کی۔تقریب کی نظامت فاطمہ جناح میڈیکل یونیورسٹی کے وائس چانسلر *ڈاکٹر خالد مسعود گوندل نے* کی۔ تقریب میں رشدہ لودھی، بشریٰ اعتزاز، رابعہ نجم، صوفیہ قادر خان، عمرانہ شاہ، ہما میر، بلقیس، سید عمران شفقت اور امریز خان سمیت مختلف شعبہ ہائے زندگی سے تعلق رکھنے والی شخصیات شریک ہوئیں۔ اس موقع پر ٹرسٹ سکول کی بانی ٹرسٹی سائرہ طاہر، سی ای او طاہر یوسف، مختلف کیمپسز کے پرنسپلز، ہیڈز، اکیڈمک کوآرڈینیٹرز اور اساتذہ بھی موجود تھے۔تقریب کے دوران اساتذہ کے لیے متعارف کرائی گئی نئی سمر یونیفارم کو شرکاء اور مہمانوں نے بے حد سراہا۔ مقررین نے کہا کہ اساتذہ کے لیے یکساں یونیفارم نہ صرف پیشہ ورانہ شناخت کو مضبوط بناتی ہے بلکہ ادارے میں نظم و ضبط، یکجہتی، احساسِ وابستگی اور مثبت تعلیمی ماحول کے فروغ میں بھی اہم کردار ادا کرتی ہے۔ ان کے مطابق یونیفارم اساتذہ کے وقار اور ادارہ جاتی تشخص کو نمایاں کرنے کے ساتھ ساتھ طلبہ کے لیے بھی ایک مثبت اور منظم تعلیمی ماحول کی عکاسی کرتی ہے۔مہمانوں نے ٹرسٹ سکول کی تعلیمی معیار، جدت پسندی اور اساتذہ کی پیشہ ورانہ ترقی کے لیے جاری کاوشوں کو سراہتے ہوئے اس اقدام کو ایک وژنری اور قابلِ تقلید مثال قرار دیا۔ شرکاء نے بھی اس منفرد سنگِ میل کا حصہ بننے پر خوشی اور فخر کا اظہار کیا۔تقریب کے اختتام پر معیاری تعلیم، ادارہ جاتی ترقی اور اساتذہ کی پیشہ ورانہ بہتری کے عزم کا اعادہ کیا گیا۔ شرکاء نے اس تقریب کو ٹرسٹ سکول کی تعلیمی روایات میں ایک اہم اور یادگار پیش رفت قرار دیا۔
