ڈی جی ایل ڈی اے طاہر فاروق کی زیر صدارت اہم اجلاس منعقد ہوا۔اجلاس میں ایل ڈی اے کے مختلف ونگز کی کارکردگی کا جائزہ لیا گیا۔اجلاس میں ڈائریکٹر فنانس کاشف عمران نے اہداف بارے بریفنگ دی۔اجلاس میں ڈی جی ایل ڈی اے نے ٹاؤن پلاننگ ونگز کو غیر قانونی کمرشل سرگرمیوں کے خلاف کریک ڈاؤن کی ہدایت کی۔
ڈی جی ایل ڈی اے نے کہاکہ ٹاؤن پلاننگ کے تمام افسران فیلڈ میں جامع پلاننگ کے ساتھ آپریشن کریں۔ کمرشل فیس اور غیر قانونی کمرشل پیلنٹی کی ریکوری یقینی بنائی جائے۔ چیف ٹاؤن پلانرز اپنے اپنے ایریا میں غیر قانونی تعمیرات کی روک تھام کے لیے بلا امتیاز آپریشن یقینی بنائیں۔ رہائشی و کمرشل بلڈنگ پلان کی آن لائن منظوری کے پراسس کی باقاعدگی سے مانیٹرنگ کی جائے۔ ڈی جی ایل ڈی اے نے ڈائریکٹر آکشن کو رواں مالی سال کے آکشن اور قرعہ اندازی کے لیے پورے سال کا کیلنڈر مرتب کرنے کی ہدایت کی۔ڈی جی ایل ڈی اے نے کہا کہ فنانس اینڈ ٹریڈ سنٹر جوہر ٹاؤن کے پلاٹوں کی نیلامی کے لیے پرپوزل پر کام کیا جائے۔ جناح مارکیٹ ٹاون شپ کی طرز پر سبزہ زار میں واگزار کرائی گئی جگہ پر پرپوزل بنایا جائے۔ اجلاس میں چیف انجینئر ایل ڈی اے نے ایل ڈی اے سٹی اور ایوینو ون کے ترقیاتی کاموں بارے بریفنگ دی۔اجلاس میں چیف انجینئر ایل ڈی اے، چیف میٹرو پولیٹن پلاننگ، چیف ٹاؤن پلانرز، ایڈیشنل ڈی جی یوپی، ڈائریکٹر آکشن اور ڈائریکٹر فنانس نے شرکت کی۔
