نیشنل ہائی وے اتھارٹی نے لاہور اسلام آباد موٹر وے (M2) کے ٹول ٹیکس کے نئے نرخوں کا اعلان کر دیا ہے جو 26 اگست 2025 سے 25 اگست 2026 تک لاگو ہوں گے۔پیر کو جاری کردہ نوٹیفکیشن اور شائع شدہ اشتہار کے مطابق ٹول کی شرحوں میں سالانہ 10% اضافہ موٹروے آپریشنز اینڈ ری ہیبلیٹیشن انجینئرنگ (پرائیویٹ) لمیٹڈ کے ساتھ 23 اپریل 2014 کو فرنٹیئر ورکس آرگنائزیشن (ایف ڈبلیو او) کے ذیلی ادارے کے ساتھ طے پانے والے رعایتی معاہدے کے مطابق ہے۔ جس کی بنیاد پر دوسرے آپریشنل سال سے شروع ہونے والی یہ سالانہ ایڈجسٹمنٹ لازمی ہے۔نظرثانی شدہ شیڈول کے مطابق، کاروں، جیپوں، اور ٹیکسیوں (کلاس 1) سے 1330 روپے وصول کیے جائیں گے یہ رقم 3.72 روپے فی کلومیٹر کے حساب سے وصول کی جائے گی۔ ویگنیں (کلاس 2) اب 2,240 روپے (6.24 روپے فی کلومیٹر) ادا کریں گی، جب کہ بسوں کا ٹول 3,130 روپے (8.73 روپے فی کلومیٹر) مقرر کیا گیا ہے۔مال بردار گاڑیوں کے لیے، 2-ایکسل ٹرک (کلاس 4) 4,460 روپے (12.45 روپے/کلومیٹر) ٹول ٹیکس ادا کریں گے، اور 3-ایکسل ٹرک (کلاس 5) 5,800 روپے (16.20 روپے/کلومیٹر) ادا کریں گے۔ آرٹیکیولیٹڈ ٹرک (کلاس 6) پر 20.83 روپے فی کلومیٹر کی شرح کی بنیاد پر 7,460 روپے کا ٹول ادا کرنا پڑے گا۔
