میئر کراچی بیرسٹر مرتضیٰ وہاب نے کمشنر کراچی سپورٹس فیسٹیول کا آغاز کردیا۔ اس موقع پر اپنے خطاب میں مرتضٰی وہاب نے کہا کہ یہ روایتی کھیل ہماری ثقافت کا حصہ ہیں۔ میں شرکاء کے جذبے اور وقت کی پابندی دیکھ کر بہت خوش ہوں۔ کھیل صرف اشرافیہ کا نہیں بلکہ ہر شہری کا حق بھی ہے۔ صحت مندانہ سرگرمیوں کی خاطر، ہم دستیاب وسائل کے ساتھ کراچی کو صحت مند شہر بنانے میں اپنی کوششیں لگا سکتے ہیں۔ کے ایم سی اور کمشنر کراچی آفس مستقبل میں مختلف سرگرمیوں کے لیے تعاون کر رہے ہیں، میئر کراچی بیرسٹر مرتضیٰ وہاب نے تقریب کے مہمان خصوصی کی حیثیت سے خطاب کیا۔ 
میئر کراچی بیرسٹر مرتضیٰ وہاب نے گدھا گاڑی کی ریس جیتنے والوں میں انعامات اور شیلڈز تقسیم کیں۔ اس موقع پر کمشنر کراچی حسن نقوی، ڈی سی ساؤتھ الطاف ساریو، سینئر ڈائریکٹر کلچر اینڈ اسپورٹس KMC رضا عباس رضوی، ڈائریکٹر CSR کمشنر آفس غلام محمد خان اور دیگر نے شرکت کی۔
