خیبر پختونخوا لوکل گورنمنٹ ایکٹ میں ترامیم،مئیرز اور تحصیل چئیرمینز کے اختیارات میں کمی

خیبر پختونخوا لوکل گورنمنٹ ایکٹ میں ترامیم ، مئیر اور تحصیل چئیرمین کی اختیارات میں کمی کر دی گئی ہے۔خیبرپختونخوا اسمبلی نے ترمیمی بل کی منظوری دیدی ہے۔ لوکل گورنمنٹ ایکٹ 2013 کے سیکشن 25 میں نو شقوں کو ختم کردیا گیا ہے۔ چیئرمین کی غیر موجودگی میں کونسل کی صدارت کیلئے رکن کا انتخاب چئیرمین یا مئیر نہیں کریں گے۔میونسپل و ذیلی دفاتر کیلئے قائمہ کمیٹیوں کے انتخاب کا اختیار بھی واپس لے لیا گیا ہے۔بل کے مطابق مئیر اور چئیرمین سے بجٹ اور ٹیکس تجاویز کیلئے فنانس کمیٹی بنانے کی اختیار بھی واپس لے لیا گیا۔ آڈٹ و اخراجات کی جانچ پڑتال کیلئے اکاؤنٹس کمیٹی بنانے کا اختیار بھی واپس لے لیا گیا ہے۔ بزنس کنڈکٹ اور ارکان کے ضابطہ اخلاق کی نگرانی کیلئے کمیٹیاں بنانے کا اختیار بھی ختم کر دیا گیا ہے۔ان ترامیم کے بعد ترقیاتی منصوبوں کیلئے منصوبہ سازی اور نفاذ کا مکمل اختیار صوبائی حکومت کوہوگا۔