اجلاس میں پشاور ڈویلپمنٹ اتھارٹی نے منصوبے کے مختلف پہلوؤں پر تفصیلی بریفنگ دی۔جی ٹی روڈ پر عمارات اور کمرشل پلازوں کی ظاہری شکل جدید اور جاذبِ نظر بنانے کا منصوبہ شروع کرنے کا فیصلہ کیا گیا۔شہری خوبصورتی میں اضافہ اور بہتر اربن لینڈ اسکیپ کی تشکیل حکومت کی ترجیح قرار دیا گیا۔وزیر بلدیات مینا خان آفریدی نے کہا کہ منصوبے سے سیاحت کے فروغ اور شہر کے مثبت تشخص کو اجاگر کرنے میں مدد ملے گی۔ پہلے مرحلے میں فیز تھری چوک سے عملی کام شروع کرنے کا فیصلہ کیا گیا۔ڈپٹی کمشنر کی سربراہی میں مقامی تاجروں اور دیگر اسٹیک ہولڈرز کا اجلاس طلب کیا جائے گا۔کاروباری برادری کو اعتماد میں لے کر مرحلہ وار عملدرآمد کیا جائے گا۔یکساں اور خوبصورت کلر اسکیمز کے ذریعے سڑک کا مجموعی منظر بہتر بنایا جائے گا۔ ڈیزائن، سائن ایج اور عمارات کی فرنٹ ایلیویشن کو جدید خطوط پر استوار کیا جائے گا۔منصوبے پر عملدرآمد میں فنی معیارات اور شہری جمالیات کو ملحوظ رکھا جائے گا۔متعلقہ حکام کو جلد عملی اقدامات شروع کرنے کی ہدایت جاری کر دی گئیں۔شہر کی مرکزی شاہراہ کو ماڈل اربن کوریڈور بنانے کی جانب اہم پیش رفت ہوگا۔
