شائقینِ کرکٹ کے لیے ٹرائی نیشن سیریز اور چیمپینز ٹرافی کی تیاریاں زور و شور سے جاری ہیں۔دورانِ میچز صاف ماحول کی فراہمی اور صفائی سہولیات یقینی بنانے کے لیے ایل ڈبلیو ایم سی کی صفائی ٹیموں نے قذافی سٹیڈیم اور اس کے اطراف میں صفائی دھلائی کا کام مکمل کر لیا ہے۔ سی ای او بابر صاحب دین کا ٹرائی نیشن سیریز اور چیمپینز ٹرافی کی تیاریوں کے حوالے سے کہنا ہے کہ ایل ڈبلیو ایم سی کے 300 سے زائد ورکرز، 8 واشر گاڑیوں نے سٹیڈیم کے اطراف صفائی دھلائی کے عمل میں حصہ لیا،جبکہ میچز کے دوران قذافی سٹیڈیم کے ہر انکلیوژر میں 15 ورکرز، 01 سپر وائزر ڈیوٹی پر موجود رہیں گے۔50 سے زائد صفائی ورکرز قذافی اسٹیڈیم کے اطراف صفائی ستھرائی یقینی بنائیں گے جبکہ 250 سے زائد ورکرز، 15 سپروائزرز، میچز کے دوران قذافی سٹیڈیم میں ڈیوٹی سر انجام دیں گے۔
مزید برآں ایل ڈبلیو ایم سی گزشتہ سالوں کی طرح اس سال بھی میچز کے دوران تماشائیوں کو صفائی کی بہترین سہولیات فراہم کرنے کیلئے پر عزم ہے۔ لاہور کے عوام کو صاف ستھرا ماحول فراہم کرنے کے لیے تمام وسائل بروئے کار لائے جارہے ہیں۔ شائقین کرکٹ سے بھی گزارش ہے کہ وہ میچز کے دوران اسٹیڈیم میں کوڑا کرکٹ پھینکنے سے گریز کریں۔صفائی سے متعلق شکایات کے ازالے کے لیے ہیلپ لائن 1139 پر رابطہ کریں یا سوشل میڈیا کا استعمال کریں۔
