*ڈی جی ایل ڈی اے طاہر فاروق کا جی ون مارکیٹ جوہر ٹاؤن اور ٹھوکر انٹری پوائنٹ کا دورہ،جاری ترقیاتی کاموں کا جائزہ*

وزیراعلی پنجاب مریم نواز کی ہدایت پر صوبائی دارالحکومت کو لیوایبل سٹی بنانے کے لئے ایل ڈی اے کے اقدامات جاری ہیں۔ ڈی جی ایل ڈی اے طاہر فاروق نے شہر کے مختلف علاقوں کا دورہ کیا۔ڈی جی ایل ڈی اے طاہر فاروق نے جی ون مارکیٹ جوہر ٹاؤن اور ٹھوکر انٹری پوائنٹ کا دورہ کیا۔

ڈی جی ایل ڈی اے طاہر فاروق نے ٹھوکر انٹری پوائنٹ پر جاری کاموں کا جائزہ لیا۔چیف انجینئر ایل ڈی اے اسرار سعید اور پراجیکٹ ڈائریکٹر نے بریفنگ دی۔ اس موقع پر ڈی جی ایل ڈی اے طاہرفاروق نے گفتگو کرتے ہوئے کہاکہ شہر کے اہم ترین داخلی و خارجی راستے کو خوبصورت اور کشادہ بنایا جا رہا ہے۔ٹھوکر ملتان روڈ پوائنٹ کے دونوں اطراف سڑک پر اسفالٹ کر دی گئی ہے۔سڑک پر اسفالٹ اور توسیع سے شہریوں کو بڑا ریلیف ملا ہے۔موٹروے سے ٹھوکر اترتے وقت دونوں اطراف این جے بیرئیر اور دوسری طرف دلکش فینس لگائی جا رہی ہے۔موٹروے سے ٹھوکر داخلی سائیڈ پر خوبصورت مونو منٹ اور بہتر سائینج کی جا رہی ہے۔ٹھوکر انٹری پوائنٹ شہر کا سب سے خوبصورت انٹری پوائنٹ بنے گا۔ ڈی جی ایل ڈی اے طاہر فاروق نے جوہر ٹاؤن جی ون مارکیٹ کمرشل زون کی ری ماڈلنگ کے مجوزہ منصوبے کا بھی جائزہ لیا۔ڈی جی ایل ڈ ی اے طاہر فاروق نے کہا کہ پہلے مرحلے میں جوہر ٹاؤن کی جی ون مارکیٹ کمرشل زون کو ماڈل بنایا جائے گا۔ کمرشل زون میں پارکنگ، واک ویز و دیگر سہولیات دی جائیں گی۔ انفراسٹرکچر کو بہتر و منظم کیا جائے گا۔ جی ون مارکیٹ کمرشل زون کے اطراف کنٹرولڈ پارکنگ بنائی جائے گی۔جی ون مارکیٹ کمرشل زون میں لٹکتی بجلی کی تاروں و دیگر سروسز کو انڈر گراؤنڈ کیا جائے گا۔کمرشل زون کی ری ماڈلنگ سے تاجروں کو سہولت اور ٹریفک روانی میں مدد ملے گی۔