نیو کراچی ٹاؤن اور دیگر شکایات پر میونسپل کمشنر نیو کراچی ایاز حمید بلوچ معطل،وزیر بلدیات سندھ کی جماعت اسلامی کے ٹاؤن چیئرمینوں سے ملاقات

وزیر بلدیات و ہاؤسنگ و ٹاؤن پلاننگ سید ناصر حسین شاہ نے چیٸرمین نیو کراچی ٹاؤن اور دیگر شکایات پر میونسپل کمشنر نیو کراچی ایاز حمید بلوچ کو فوری معطل کرنے کے احکامات دیتے ہوئے کہا ہے کہ منتخب بلدیاتی نماٸندوں سے تعاون نہ کرنے والے میونسپل کمشنرز کے خلاف سخت کارروائی کی جائے گی، منگل کےروز امیر جماعت اسلامی منعم ظفر کی قیادت میں ٹاؤن چیئرمینوں کے وفد نے وزیر بلدیات ناصر حسین شاہ سے سندھ سیکریٹریٹ میں ملاقات کی ناصر حسین شاہ نے وفد سے گفتگو کرتے ہوئے کہا کہ

چیئرمین بلاول بھٹو کے وژن اور وزیر اعلیٰ کی ہدایت پر کراچی کی تعمیر و ترقی پر بلا تفریق اقدامات کیے جارہے ہیں اس موقعہ پر وزیر بلدیات کی ٹاؤن چیئرمینوں کی شکایات کے ازالے کے لیے کوآرڈینیشن کمیٹی قائم کرنے کی ہدایت وزیر بلدیات نے ترقیاتی کاموں کے حوالے سےٹینڈر اور فنڈز کے سلسلے میں میونسپل کمشنرز کو ٹاؤن چیئرمین سے مشاورت کی ہدایت کرتے ہوۓ کہا کہ کوآرڈینیشن کمیٹی میں کے ایم سی ، کے ڈی اے، واٹر کارپوریشن، سالڈ ویسٹ منیجمنٹ بورڈ اور کلیک سمیت تمام بلدیاتی اداروں کے نمائندوں کو شامل کیا جاۓ گا انہوں نے کہا کہ وفاقی اور صوبائی یوٹیلیٹز اداروں کے درمیان بھی کوآرڈینیشن کمیٹی قائم کی جاۓ گی ناصر شاہ نے وفد کو یقین دلایا کہ نۓ بلدیاتی قوانین کے حوالے سے جماعت اسلامی سمیت دیگر سیاسی جماعتوں سے مشاورت کی جائے گی۔