وزیر اعلیٰ پنجاب مریم نواز شریف کے ویژن کے مطابق بڑافیصلہ،صوبہ بھر میں بے ہنگم اربن ڈویلپمنٹ اور ماسٹر پلان کی خلاف ورزی پر پابندی عائد کر دی گئی ہے۔سیکرٹری ہاؤسنگ نورالامین مینگل کی جانب سے جاری احکامات کے مطابق پرائیویٹ ہاؤسنگ سوسائٹیز کی منظوری ضلعی ماسٹر پلانز کے مطابق ہی کی جا سکے گی۔ماسٹر پلان کے برخلاف ہاؤسنگ سوسائٹیز کی درخواست بھی وصول نہیں کی جائے گی۔سیکرٹری ہاؤسںنگ نورالامین مینگل کی زیر صدارت اہم اجلاس میں فیصلہ کیا گیا۔
تمام ڈویلپمنٹ اتھارٹیز کے ڈائریکٹر جنرلز، ڈی جی پھاٹا اور سی ای او روڈا کو حکمنامہ جاری کر دیا گیا ہے۔جس کے مطابق سوسائٹیز کی منظوری سے قبل مطلوبہ احتیاطی جانچ پڑتال کرنا اداروں کی ذمہ داری ہے،سیکرٹری ہاؤسنگ نورالامین مینگل نے کہا ہے کہ ماسٹر پلان کی خلاف ورزی کے باعث گرین ایریاز تباہ ہوتے ہیں۔تمام ادارے اپنےماسٹر پلانز کا اطلاق یقینی بنانے کے پابند ہیں۔ماسٹر پلان کی خلاف ورزی بے ہنگم اربن ڈویلپمنٹ کا باعث بنتی ہے۔پرائویٹ ہاؤسنگ سوسائٹیز کو ریگولیٹ کرنے بارے جامع پلاننگ بھی جاری ہے۔ترجمان محکمہ ہاؤسنگ کے مطابق قوانین کے اطلاق سے گرین ایریاز کو بچانے میں مدد ملے گی۔گرین ایریاز کی تباہی سے سموگ اور ماحولیاتی آلودگی میں اضافہ ہوتا ہے ۔وزیر اعلیٰ پنجاب مریم نواز شریف کے ویژن کے مطابق شہریوں کے جان و مال کا تحفظ اولین ترجیح ہے۔
