وزیرِ اعلیٰ پنجاب مریم نواز شریف کی ہدایت پرہر ہر گلی محلے کو زیرو ویسٹ کرنے کے لیے ایل ڈبلیو ایم سی کی جانب سے شہر بھر میں صفائی آپریشن بلا تعطل جاری ہے۔”ستھرا پنجاب ویژن“ کے تحت لاہور کے تمام 9 ٹاؤنز میں مرحلہ وار خصوصی صفائی ایکٹیویٹیز کی جا رہی ہیں۔اس سلسلے میں 140 سے زائد آپریشنل گاڑیوں اور800 سے زائد ورکرزکی ٹیمیں چائنہ سکیم، شالیمار ٹاؤن میں تعینات کی گئیں، موثر صفائی اقدامات کے تحت شالیمار ٹاؤن میں موجود 26 کوڑے کے پوائنٹس، 15 ہاٹ سپاٹ ایریاز کو کلیئر کر دیا گیا۔سی ای او ایل ڈبلیو ایم سی بابر صاحب دین کا اس حوالے سے کہنا ہے کہ اربن یونین کونسلزکے ساتھ ساتھ دیہی یونین کونسلز میں بھی صفائی کے خصوصی انتظامات کیے جا رہے ہیں۔ دیہی یونین کونسلز میں ٹریکٹر ٹرالیز کی مدد سے اوپن پلاٹس کی کلیئرنس یقینی بنائی جا رہی ہے۔ مزید برآں چائنہ سکیم عارضی کلیکشن پوائنٹ اورفضل پورہ ویسٹ انکلوژر کو روزانہ کی بنیاد پر زیرو ویسٹ کیا جا رہا ہے جبکہ نیلم سینما کمرشل مارکیٹ، کوٹلی پیر عبدالرحمن،جمیل پارک، جانی پورہ،محمد علی شادی ہال کے اطراف خصوصی صفائی آپریشن مکمل کیا گیا۔شہریوں سے بھی گزارش ہے کہ صفائی سے متعلق شکایات کے ازالے یا تجاویز کے لیے ایل ڈبلیو ایم سی کی ہیلپ لائن 1139پر رابطہ کریں یا سوشل میڈیا کا استعمال کریں۔
