صوبائی وزیر بلدیات خیبرپختونخوا مینا خان آفریدی کی زیر صدارت پہلا جائزہ اجلاس منعقد ہوا۔ سیکرٹری بلدیات ڈائریکٹر جنرل پشاور ڈویلپمنٹ اتھارٹی، لوکل کونسل بورڈسمیت دیگر ملحقہ باڈیز کے حکام نے شرکت کی۔محکمہ بلدیات کی مجموعی امور پر سیکرٹری بلدیات اسلم ثاقب رضا نے بریفنگ دی۔پشاور ڈویلپمنٹ اتھارٹی کی جانب سے ڈائریکٹر جنرل شاہ فہد نے مینا خان آفریدی کو جائزہ امور پر بریفنگ دی گئی۔اربن ایریاز ڈویلپمنٹ اتھارٹی کے منیجنگ ڈائریکٹر مختیار احمد نے بھی اتھارٹی کے امور پر وزیر بلدیات کو آگاہ کیا۔ مینا خان آفریدی نے ہدایت کی کہ لوکل گورنمنٹ کمیشن خیبرپختونخوا کے ممبران کی تعداد کو جلد از جلد مکمل کیا جائے۔ انہوں نے کہا کہ اربن اموویبل پراپرٹی ٹیکس کی آمدنی محکمہ بلدیات کو نہ ملنا، سمجھ سے باہر ہے۔کرپشن کے خلاف زیرو برداشت کی پالیسی ہے، ملوث ملازم کو گھر جانا پڑے گا۔پشاور ڈویلپمنٹ اتھارٹی ریونیو جنریشن کے حوالے سے اگلے ہفتے تک پلان پیش کرے۔مینا خان آفریدی نے کہا کہ جنوبی اضلاع کے مسافروں کے لیے بھی جدید سہولیات سے آراستہ بس ٹرمینل پر کام جلد شروع کیا جائے۔ محکمہ بلدیات کے ہر ملحقہ باڈی کے امور کا از خود جائزہ لوں گا۔اربن ایریاز ڈیولپمنٹ اتھارٹی کو مالی بحران سے نکالنے کے لیے ایمرجنسی بنیاد پر اقدامات اٹھائے جائیں۔ محکمہ بلدیات کے ملازمین اپنی تشہیر کی بجائے حکومتی اقدامات کی برانڈنگ کرے۔کوئی سرکاری ملازم خدمات فراہمی کے دوران ہیرو بننے کی کوشش نہ کرے۔
