وزیر ہاؤسنگ اینڈ اربن ڈویلپمنٹ پنجاب بلال یاسین نے حلقے کا دورہ کیا جہاں حلقہ عمائدین اور شہریوں نے بھرپور استقبال کیا۔ صوبائی وزیر نے حلقے میں سڑکوں، سیوریج اور نکاسی آب کے منصوبوں کی تکمیل پر ان کا جائزہ لیا جہاں شہریوں نے اظہار تشکر کیا۔ بلال یاسین نے عوام سے خطاب میں کہا کہ عوامی خدمت حکومت پنجاب کی اولین ترجیح ہے۔ وزیراعلیٰ پنجاب کے وژن کے مطابق پنجاب کے ہر حلقے کی تعمیر و ترقی کا سفر جاری ہے، ہم عوام سے کیے گئے وعدے پورے کر رہے ہیں، ترقیاتی کاموں میں تاخیر برداشت نہیں کریں گے، بلال یاسین نے واضح کیا کہ ترقیاتی منصوبوں کی تکمیل سے شہریوں کو جدید اور بہتر سہولیات میسر آئیں گی۔ آپکی گلیوں اور سڑکوں سے جلد نکاسی آب کیلئے زیر زمین واٹر ٹینکس بنائے گئے ہیں۔ وزیر اعلیٰ پنجاب کی ہدایت پر ترقی یافتہ اور خوشحال پنجاب کے ویژن کو عملی شکل دے رہے ہیں، اندرون لاہور میں جدید پارکنگ پلازے، ثقافتی بحالی اور سہولیات میں واضح اضافہ ہوگا۔
*وزیر ہاؤسنگ پنجاب بلال یاسین کا حلقے کا دورہ، حلقہ عمائدین نے بھرپور استقبال کیا۔*
