وزیراعلیٰ خیبر پختونخوا محمد سہیل خان آفریدی کی زیرِ صدارت ضلع پشاور کے پارلیمنٹرینز کا اجلاس منعقد ہوا، جس میں موجودہ و سابق اراکینِ اسمبلی سمیت پشاور کی سینئر قیادت نے شرکت کی۔اجلاس میں پشاور کے میگا پراجیکٹس اور مختلف مسائل پر تفصیلی مشاورت کی گئی۔ وزیراعلیٰ نے یقین دلایا کہ پشاور کی عظمتِ رفتہ کی بحالی اور شہر کی ترقی کے لیے 100 ارب روپے کے ترقیاتی منصوبوں پر جلد ایک گرینڈ میٹنگ بلائی جائے گی، جہاں تمام اسٹیک ہولڈرز کی مشاورت سے پشاور کی ترقی کو اولین ترجیح بنایا جائے گا۔ انہوں نے کہا کہ پشاور نہ صرف صوبے کا دارالحکومت ہے بلکہ ہمارا چہرہ بھی ہے۔ملاقات میں عمران کی خاطر زندہ ہے پشاور کے عنوان سے 7 دسمبر کو پشاور میں منعقد ہونے والے جلسے کے حوالے سے بھی تفصیلی گفتگو ہوئی۔ اجلاس میں فیصلہ کیا گیا کہ ان شاء اللہ 7 دسمبر کو پشاور میں ایک عظیم الشان جلسہ منعقد کیا جائے گا، جو جمہوری اداروں کی مضبوطی، عدلیہ کی آزادی اور عمران خان کی رہائی کی کوششوں میں ایک اہم سنگِ میل ثابت ہوگا۔
