پنجاب ریونیو اتھارٹی میں انتظامی و قانونی اصلاحات کا عمل جاری ہے۔چیئرمین پنجاب ریونیو اتھارٹی معظم اقبال سپرا کی زیر صدارت 130 ویں اتھارٹی اجلاس میں نان فائلرز اور سیلز ریکارڈ کم ظاہر کرنیوالے عناصر کی نشاندہی پر فوری عملدرآمد کا فیصلہ کیا گیا ہے۔ٹیکس کولیکشن میں شفافیت کیلئے سیکٹر وائز ای آئی ایم ایس کے نفاذ کی بھی منظوری دی گئی ہے۔ اجلاس میں پی آر اے افسران و ملازمین کے نئے سروس سٹرکچر کی تجاویز بارے مشاورت کی گئی۔ سیلز ٹیکس آن سروسز قوانین میں ترامیم بارے سفارشات کا بھی جائزہ لیا گیا، پی آر اے مانیٹرنگ ڈیش بورڈ اور سہولت ایپلی کیشن بارے تفصیلی بریفنگ دی گئی، 130 ویں اتھارٹی اجلاس میں نئے ٹیکس اہداف کی تکمیل اور ماہانہ ریونیو کولیکشن بڑھانے بارے میکنزم کی منظوری دی گئی۔ اس موقع پر ممبر پالیسی، ممبر سپورٹ سروسز، ممبر لیگل ، ممبر ٹیکس پیئرز، چیف ہیڈکوارٹر اور دیگر افسران شریک تھے۔
