وزیر اعلٰی خیبرپختونخوا کے معاون خصوصی برائے ٹیکنیکل ایجوکیشن طفیل انجم نے کہا ہے کہ ٹیکنیکل ایجوکیشن کے فروغ اور طلباء کو معیاری فنی تعلیم کو باہم پہنچانے کے لئے تمام تر وسائل بروئے کار لائے جائیں گے ، ٹیوٹا کے تمام تر کالجز کی نگرانی کے لئے مانیٹرنگ سسٹم وقت کی اہم ضرورت ہے ۔ ان خیالات کا اظہار انہوں نے ٹیوٹا کے زیر نگرانی صوبہ بھر کے ٹیکنیکل انسٹی ٹیوٹس میں مانیٹرنگ سسٹم کو متعارف کرانے کے حوالے سے اجلاس کی صدارت کرتے ہوئے کیا ہے ۔
اجلاس میں سیکرٹری انڈسٹری کامرس اینڈ ٹیکنیکل ایجوکیشن عامر افاق ، سپیشل سیکرٹری انور خان ، ایڈیشنل سیکرٹری اور اتھارٹی کے دیگر افسران نے شرکت کی ہے۔ اجلاس کو اتھارٹی کے زیر نگرانی ٹیکنیکل انسٹی ٹیوٹس میں مانیٹرنگ نظام لانے کے حوالے سے تفصیلی بریفننگ دی گئی ہے ۔ اجلاس کو بتایا گیا ہے کہ مانیٹرنگ سسٹم سے بہترین طریقے سے تمام ٹیکنیکل کالجز کے کارکردگی کو جانچا جائے گا اور ان کالجز میں طلباء اور اساتذہ کی خاضریوں پر کھڑی نظر رکھی جائے گی جس سے صوبے بھر کے کالجز کی کارکردگی میں واضح بہتری لائی جائے گی ۔ اجلاس کو مزید بتایا گیا ہے کہ مانیٹرنگ سسٹم کو مضبوط اور پائیدار بنانے کے لئے علیحدہ سٹاف بھی لیا جائے گا ۔ اجلاس سے خطاب کرتے ہوئے معاون خصوصی نے کہا ہے کہ معیاری فنی تعلیم کا فروغ ہماری ترجیح ہے ۔ انہوں نے کہا ہے کہ مانیٹرنگ سسٹم کو جلد از جلد عملی جامہ پہنایا جائے جبکہ صوبہ بھر کے تمام ٹیکنیکل انسٹی ٹیوٹس میں مانیٹرنگ سسٹم کو مکمل طور پر فعال بنایا جائے ۔ہماری کوشش ہے کہ طلباء کو تمام تر ممکن سہولیات فراہم کی جائے تاکہ ان کو جدید تقاضوں کے عین مطابق فنی تعلیم فراہم کی جائے ۔ خیبرپختونخوا کے صوبائی حکومت کا وژن ہے کہ نوجوانوں کو فنی تعلیم باہم پہنچا کر ان کو مستقبل میں اپنا روزگار خود شروع کرنے کا اہل بنایا جائے ۔ انہوں نے کہا ہے کہ صوبے کی ترقی اور عوام کی خوشحالی ہماری اولین ترجیحات میں شامل ہے ۔
