شہر لاہور میں بہترین صفائی نظام برقرار رکھنے کے لیے ایل ڈبلیو ایم سی کی صفائی ٹیمیں فیلڈ میں متحرک ہیں۔داتا گنج بخش ٹاؤن سمیت شہر بھر میں صفائی آپریشن جاری ہے۔ایل ڈبلیو ایم سی کے2000سے زائد ورکرز، 350 سے زائد آپریشنل گاڑیاں داتا گنج بخش ٹاؤن میں بہترین صفائی انتظامات یقینی بنا رہے ہیں جبکہ گھر گھر سے کوڑا اُٹھانے کے لیے 148لوڈر رکشے بھی داتا گنج بخش ٹاؤن میں تعینات ہیں۔خصوصی صفائی اقدامات کے تحت ایل ڈبلیو ایم سی کی جانب سے داتا گنج بخش ٹاؤن میں موجود اوپن پلاٹس اور 20 سے زائد ہاٹ سپاٹ ایریاز کی کلیئرنس مکمل کی گئی۔مزید برآں سیکرٹریٹ، ساندہ روڈ، چوبرجی چوک ڈی سی آفس، آؤٹ فال روڈ، داتادربار، لکشمی چوک، چائنا چوک کے اطراف خصوصی صفائی آپریشن مکمل کیا گیا۔گوالمنڈی چوک، نسبت روڈ، شملہ پہاڑی، لوئر مال، لیٹن روڈ، فیروزپور روڈ، شادمان،لارنس روڈ میں بھی صفائی ستھرائی کا عمل بلاتعطل جاری ہے۔شادمان عارضی کولیکشن پوائنٹ کو روزانہ کی بنیاد پر زیرو ویسٹ کیا جا رہا ہے۔ وزیر اعلیٰ پنجاب مریم نواز شریف کے ویژن ستھرا پنجاب کے تحت لاہور کے 9 ٹاؤنز میں مرحلہ وار خصوصی صفائی ایکٹیویٹیز کا سلسلہ جاری ہے۔ شہریوں سے گزارش ہے کہ اپنے ارد گرد کے ماحول کو صاف بنانے میں ایل ڈبلیو ایم سی ٹیموں کا ساتھ دیں۔ کوڑا ہمیشہ کوڑے دان میں ڈالیں۔ صفائی سے متعلق شکایات کے ازالے کے لیے ایل ڈبلیو ایم سی کی ہیلپ لائن 1139پر رابطہ کریں یا سوشل میڈیا کا استعمال کریں۔
ایل ڈبلیو ایم سی کا داتا گنج بخش ٹاؤن میں صفائی آپریشن،20 سے زائد ہاٹ سپاٹ ایریاز کلئیر کر دئیے گئے
